ନିଗମାନନ୍ଦ ଆଶ୍ରମରେ ଜନ୍ମାଷ୍ଟମୀ ପାଳିତ

ନିଗମାନନ୍ଦ ଆଶ୍ରମରେ ଜନ୍ମାଷ୍ଟମୀ ପାଳିତ l ନୀଳାଚଳ ସାରସ୍ଵତ ସଂଘ କେନ୍ଦ୍ର ଆସନ ମନ୍ଦିର ବିରତୁଙ୍ଗ ନୂଆବାଡି ଠାରେ ଜନ୍ମାଷ୍ଟମୀ ନୀତି ପାଳିତ ହୋଇଯାଇଛି l ସକାଳୁ ସକାଳୁ ଠାକୁର ଗାଧୁଆ ନିତ୍ୟକର୍ମରୁ ଆରମ୍ଭ ହୋଇଥିଲା ଠାକୁରଙ୍କ ନୀତି l ପରେପରେ ମଙ୍ଗଳ ଆଳତି ଓ ଅନ୍ୟ ପାରମ୍ପାରିକ ନୀତି ସମ୍ପନ୍ନ କରାଯାଇଥିଲା l ଅପରାହ୍ନରେ ଆରମ୍ଭ ହୋଇଥିଲା ଜନ୍ମାଷ୍ଟମୀ ମହାଅଧିବେଶନ l ଅନୁଷ୍ଠାନର ସଭାପତି ରିତୀକ ଗୁରୁ ପ୍ରସାଦ ଛୋଟରାୟ, ରିତୀକ କ୍ଷୀରୋଦ ପ୍ରସାଦ ମହାନ୍ତି , ରିତୀକ ରାକେଶ କୁମାର ମହାନ୍ତି ଓ ରିତୀକ ଜାମିନକାନ୍ତ ମହାପାତ୍ର ପ୍ରମୁଖ ଭାଗବତ ଆଲୋଚନା ପୂର୍ବକ ଶ୍ରୀକୃଷ୍ଣ ଜନ୍ମ ବୃତ୍ତାନ୍ତ ବିସ୍ତୃତ ଭାବେ ବର୍ଣ୍ଣନା କରିଥିଲେ l ବିଳମ୍ବିତ ସନ୍ଧ୍ୟାରେ ସମ୍ପନ୍ନ ହୋଇଥିଲା କୃଷ୍ଣଜନ୍ମ ନୀତି l ବହୁ ନିଗମାନନ୍ଦ ଭକ୍ତ ଏହି ଅଧିବେଶନରେ ଯୋଗଦେଇ ଶ୍ରୀକୃଷ୍ଣ ଜନ୍ମ ବୃତ୍ତାନ୍ତ ଶ୍ରବଣ କରିବା ସହିତ ଜନ୍ମନୀତି ଦର୍ଶନ କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ