ବିଷ ଖାଇ ଯୁବତୀଙ୍କ ଆତ୍ମହତ୍ୟା
ବୁଗୁଡ଼ା : ତା ୨୭/୦୨/୨୩ : ବୁଗୁଡ଼ା ଥାନା ଭଗବାନପୁର ପଞ୍ଚାୟତ ଅନ୍ତର୍ଗତ ମହୁଲପଲ୍ଲୀ ଗ୍ରାମରେ ଜନୈକା ଯୁବତୀ ବିଷ ଖାଇ ଆତ୍ମହତ୍ୟା କରିଥିବା ଜଣା ପଡିଛି l ମୃତ ଯୁବତୀ ଜଣକ ହେଲେ ମହୁଲପଲ୍ଲୀ ଗ୍ରାମର ଧୋବା ଗୌଡ଼ଙ୍କ ଝିଅ ଭାରତୀ ଗୌଡ଼(୧୯) l ଘଟଣାରୁ ପ୍ରକାଶ ଯେ, ରବିବାର ରାତିରେ କୌଣସି କଥାକୁ ନେଇ ଝିଅ ଭାରତୀକୁ ମାଆ ତାଗିଦ୍ କରିବା ପରେ ସେ ବାରିପଟ ଘରକୁ ଯାଇ ଚାଉଳ ପୋକମରା ବିଷକୁ ଖାଇ ଦେଇଥିଲେ l ଭାରତୀ ଅଚେତ ହୋଇ ପଡିବାରୁ ପରିବାର ଲୋକେ ତାଙ୍କୁ ତୁରନ୍ତ ବୁଗୁଡ଼ା ମେଡିକାଲକୁ ଆଣିଥିଲେ ହେଁ ଡାକ୍ତର ମୃତ ଘୋଷଣା କରିଥିଲେ l ଖବର ପାଇ ପୋଲିସ ମେଡିକାଲରେ ପହଞ୍ଚି ଶବ ଜବତ କରିବା ସହ କେସ୍ ନଂ ୨/୨୩ରେ ଏକ ଅପମୃତ୍ୟୁ ମାମଲା ରୁଜୁ କରି ଆଜି ବ୍ୟବଛେଦ ନିମନ୍ତେ ପଠାଇ ଥିବା ନେଇ ଆଇଆଇସି ଚିତ୍ତ ରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି ।
