ବାଇକକୁ ଧକ୍କା ଦେଲା ବାଇକ୍, ଦୁଇ ଜଣ ଆହତ
କୋଲନରା : କୋଲନରା ବ୍ଲକ ଅନ୍ତର୍ଗତ ମୁକୁନ୍ଦପୁର ପଞ୍ଚାୟତର ହାତିଖମ୍ବା ଗାଁ ପାଖରେ ଥିବା ପେଟ୍ରୋଲ ପମ୍ପ ନିକଟରେ ବାଇକ୍ କୁ ଧକ୍କା ଦେଲା ବାଇକ୍ | ଫଳରେ ଦୁଇ ଜଣ ଆହତ ହୋଇଥିବା ବେଳେ ସ୍ଥାନୀୟ ଯୁବଗୋଷ୍ଠୀ ଉଭୟଙ୍କୁ ଉଦ୍ଧାର କରି ସ୍ଥାନୀୟ ଗାଡ଼ିରେ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଥିଲେ | ମୁକୁନ୍ଦପୁର ଫାଣ୍ଡି ପୁଲିସ ପହଞ୍ଚି ଦୁଇଗୋଟି ବାଇକ୍ ଜବତ କରି ତଦନ୍ତ କରିଛନ୍ତି | ସୂଚନା ମୁତାବକ, ଗୁଡ଼ାରୀ ଗ୍ରାମର କେ.ବଂଶୀ ଓ ଆତିସ୍ ପାତ୍ର ନାମକ ଦୁଇଜଣ ଯୁବକ (ଓଡ଼ି ୧୮ ଏଚ ୫୫୩୫) ନମ୍ବର୍ ବିଶିଷ୍ଟ ବାଇକ୍ ଯୋଗେ ଗୁଡ଼ାରୀ ଠାରୁ କୌଣସି ଏକ ପରୀକ୍ଷା ଦେବା ନିମନ୍ତେ ରାୟଗଡ଼ା ଅଭିମୁଖେ ଯାଉଥିବା ସମୟରେ ହାତିଖମ୍ବା ଗାଁ ପାଖରେ ଥିବା ପେଟ୍ରୋଲ ପମ୍ପ ନିକଟରେ ସାମ୍ନା ପଟୁ ଆସୁଥିବା (ଓଡି ୦୭ ଏଫ୍ ୯୭୭୨) ନମ୍ବର୍ ବିଶିଷ୍ଟ ବାଇକ୍ ଭାରସାମ୍ୟ ହରାଇ ବଂଶୀ ଓ ଆତିସ ଙ୍କ ବାଇକକୁ ଧକ୍କା ଦେଇଥିଲା | ଫଳରେ ରାସ୍ତା କଡ଼ରେ ଉଭୟେ ଛିଟିକି ପଡ଼ି ଯାଇଥିଲେ | ଯ ଦ୍ଵାରା ବଂଶୀଙ୍କ ବାମ ଗଡରେ ଗଭୀର ଆଘାତ ଲାଗିଥିବା ବେଳେ ଆତିସର ମଧ୍ୟ ବାମ ହାତରେ ଗଭୀର ଆଘାତ ଲାଗିଥିଲା | ଘଟଣା ସମ୍ପର୍କରେ ଖବର ପାଇ ମୁକୁନ୍ଦପୁର ଗ୍ରାମର ଯୁବଗୋଷ୍ଠୀ ଦୁର୍ଘଟଣା ସ୍ଥଳରେ ପହଞ୍ଚି ସଙ୍ଗେ ସଙ୍ଗେ ଉଭୟଙ୍କୁ ଉଦ୍ଧାର କରି ସ୍ଥାନୀୟ ଏକ ଗାଡି ଯୋଗେ ରାୟଗଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ପଠାଇ ଥିଲେ ଏବଂ ମୁକୁନ୍ଦପୁର ଫାଣ୍ଡି ପୁଲିସକୁ ଖବର ଦେଇଥିଲେ | ଖବର ପାଇ ଫାଣ୍ଡି ପୁଲିସ ନାରାୟଣ ସିଂ ଓ ରମାକାନ୍ତ ପାଢ଼ୀ ଘଟଣା ସ୍ଥଳରେ ପହଞ୍ଚିବା ସହ ଦୁର୍ଘଟଣା ଗ୍ରସ୍ତ ଦୁଇଟି ବାଇକକୁ ଜବତ କରି ତଦନ୍ତ ଆରମ୍ଭ କରିଛନ୍ତି | ଦୁର୍ଘଟଣା ଘଟେଇଥିବା ଯୁବକ ଜଣକ ମୁକୁନ୍ଦପୁର ପଞ୍ଚାୟତର ବାନ୍ଧାଗୁଡ଼ା ଗ୍ରାମର ରାଜୁ ମାଣ୍ଡାଙ୍ଗି ଓ ସେ ଅତ୍ୟଧିକ ମଦ୍ୟପାନ କରି ବାଇକ୍ ଚଳାଉଥିଲେ ବୋଲି ପ୍ରତକ୍ଷଦର୍ଶି କହିଛନ୍ତି |
ରିପୋର୍ଟ : ସଞ୍ଜୀବ କଣ୍ଡାଗରୀ
