ଝଙ୍କଡ ଶାରଳାଙ୍କ ମନ୍ଦିରରେ ନବଗଠିତ ଅପେରା ଯାତ୍ରା ଶ୍ରୀମନ୍ଦିର ର ଶୁଭ ଉଦଘାଟନ !!
ତିର୍ତ୍ତୋଲ ::-ଦିନକୁ ଦିନ ସୋସିଆଲ ମିଡ଼ିଆରେ ମନୋରଞ୍ଜନ ର ନୂତନ ସାଂସ୍କୃତିକ କାର୍ଯ୍ୟକ୍ରମ ପ୍ରଚାର ପ୍ରସାର ଫଳରେ,ଯାତ୍ରା ଜଗତ ନିଜର ବ୍ୟବସାୟ ହରେଇବାକୁ ବସିଥିବା ବେଳେ, ଯାତ୍ରା ଦୁନିଆଁରେ ନୂତନ କରି ପାଦ ଥାପିବାକୁ ଯାଉଛି ବିଗ ବଜେଟ ର ଅପେରା “ଯାତ୍ରା ଶ୍ରୀମନ୍ଦିର “!ଖବର ଅନୁସାରେ ଯାଜପୁର ଜିଲ୍ଲାର କୁଆଖିଆ ସ୍ଥିତ ପ୍ରଯୋଜକ ପ୍ରଫୁଲ୍ଲ କୁମାର ଧଳ ଙ୍କ ତତ୍ୱାବଧାନରେ, ମା’ଶାରଳା ଠାକୁରାଣୀ ଙ୍କ ମନ୍ଦିରରେ ଯାତ୍ରା ଶ୍ରୀମନ୍ଦିର ର ଶୁଭ ଉଦଘାଟନ ଉତ୍ସବ ଅନୁଷ୍ଠିତ ହୋଇ ଯାଇଛି !କାରଣ ଓଡ଼ିଆ ସଂସ୍କୃତି ଓ କାବ୍ୟକଳା ର ଆରାଧ୍ୟା ଦେବୀ ହେଉଛନ୍ତି ମା’ଶାରଳା ଠାକୁରାଣୀ !ଏହି ଠାରେ ହୋଇଥାଏ ଯାତ୍ରା ଅନୁଷ୍ଠାନର ଶୁଭ ଅନୁକୂଳ !ବର୍ଷକର ଯାତ୍ରା ବ୍ୟବସାୟ ଶାରଳାଙ୍କ ଆଶୀର୍ବାଦରୁ ପ୍ରସିଦ୍ଦି ଲାଭ କରିଥାଏ ବୋଲି ପ୍ରବାଦ ରହିଛି !ଏହି ଉପଲକ୍ଷେ ମାଆ ଙ୍କ ନିକଟରେ ମାର୍ଜନା, ପୂଜାର୍ଚ୍ଚନା ପରେ ତବଲାପୂଜା, ନୂତନ ନାଟକ ବହି ପୂଜା କରାଯାଇଥିଲା । ବହୁ ଖ୍ୟାତନାମା କଳାକାର ଙ୍କୁ ନେ଼ଇ ଗଠିତ ଏହି “ଯାତ୍ରା ଶ୍ରମନ୍ଦିର”ର ମୁଖ୍ୟ ପରିଚାଳକ ଭାବେ ବାସୁଦେବ ଜେନା ଦାୟିତ୍ଵ ନିର୍ବାହ କରୁଥିବା ବେଳେ, ବଳିଷ୍ଟ ନିର୍ଦ୍ଦେଶନା , ଅତ୍ୟାଧୁନିକ ସାଜସଜ୍ଜା ଓ ରଙ୍ଗୀନ ଆଲୋକ ସଜ୍ଜାରେ ଏହି ଯାତ୍ରାନୁଷ୍ଠାନ, ରାଜ୍ୟ ତଥା ପଡୋଶୀ ରାଜ୍ୟ ମାନଙ୍କରେ ଯାତ୍ରା ପରିବେଷଣ କରି, ଦର୍ଶକ ମାନଙ୍କର ଚିତ୍ତ ବିନୋଦନ କରିପାରିବ ବୋଲି ପ୍ରଯୋଜକ ଶ୍ରୀ ଧଳ ସୁଚନା ପ୍ରଦାନ କରିଅଛନ୍ତି । ଏହି କାର୍ଯ୍ୟକ୍ରମକୁ ପରିଚାଳନା କରିବା କ୍ଷେତ୍ରରେ ପ୍ରମୋଦ କୁମାର ଧଳ , ମ୍ୟାନେଜର କୃଷ୍ଣଚନ୍ଦ୍ର ତ୍ରିପାଠୀ , ସତ୍ୟବ୍ରତ ବିଶ୍ବାଳ , ସୁମନ୍ତ ବେହେରା, କେଦାର ନାଥ ସ୍ୱାଇଁ , ଅଶୋକ କୁମାର ଜେନା, ସୁବାସ ଚନ୍ଦ୍ର ସ୍ଵାଇଁ ଓ ନନ୍ଦୁ ସାର୍ ପ୍ରମୁଖ ସକ୍ରିୟ ସହଯୋଗ କରିଥିବା ବେଳେ ବହୁ ଜଣାଶୁଣା ଯାତ୍ରା ଅଭିନେତା ଯୋଗ ଦେଇ ଥିବାର ଦେଖିବାକୁ ମିଳିଥିଲା।
ଜଗତସିଂହପୁର ରୁ ଶରତ କୁମାର ଦାଶ ଙ୍କ ରିପୋର୍ଟ ନ୍ୟୂଜ ଉପାନ୍ତ ଓଡିଶା !!
