ଜିଏମ୍ୟୁ ରେ “ଓଡ଼ିଶାର ପରିବେଷଣ କଳା” ଶୀର୍ଷକ ଦୁଇଦିନିଆ ଜାତୀୟ ସେମିନାର
ସମ୍ବଲପୁର,୨୬. ୦୯: ଗଙ୍ଗାଧର ମେହେର ବିଶ୍ୱବିଦ୍ୟାଳୟ (ଜିଏମ୍ୟୁ), ସମ୍ବଲପୁରର ଇଂରାଜୀ ବିଭାଗ ପକ୍ଷରୁ ଭାରତୀୟ ଜ୍ଞାନ ପରମ୍ପରା କେନ୍ଦ୍ର ସହଯୋଗରେ ୨୦୨୬ ସେପ୍ଟେମ୍ବର ୨୫ ଓ ୨୬ ତାରିଖରେ “ଓଡ଼ିଶାର ପରିବେଷଣ କଳା” ଶୀର୍ଷକ ଦୁଇଦିନିଆ ଜାତୀୟ ସେମିନାର ଆୟୋଜିତ ହୋଇଥିଲା।
କାର୍ଯ୍ୟକ୍ରମରେ ଅଧ୍ୟକ୍ଷତା କରି ବିଶ୍ୱବିଦ୍ୟାଳୟର ମାନ୍ୟବର କୁଳପତି ପ୍ରଫେସର ବ୍ୟୋମକେଶ ତ୍ରିପାଠୀ ଓଡ଼ିଶାର ସମୃଦ୍ଧ ପରିବେଷଣ କଳା ଓ ପାରମ୍ପରିକ ଜ୍ଞାନକୁ ସଂରକ୍ଷଣ କରିବାର ଗୁରୁତ୍ୱ ଉପରେ ଆଲୋକପାତ କରିଥିଲେ। ସ୍ଥାନୀୟ ପାରମ୍ପରିକ ଜ୍ଞାନ ପରମ୍ପରାର ସଂରକ୍ଷଣ ପାଇଁ ବିଶ୍ୱବିଦ୍ୟାଳୟର ପ୍ରତିବଦ୍ଧତାକୁ ଦୋହରାଇବା ସହ ଏହି ଜ୍ଞାନ ଓ ସାଂସ୍କୃତିକ ଐତିହ୍ୟର ପ୍ରଚାର, ପ୍ରସାର ଓ ପ୍ରଦର୍ଶନ ନିମନ୍ତେ ଜିଏମ୍ୟୁରେ ଏକ ସଂଗ୍ରହାଳୟ ପ୍ରତିଷ୍ଠା କରାଯିବ ବୋଲି ଘୋଷଣା କରିଥିଲେ।
ଇଂରାଜୀ ବିଭାଗର ମୁଖ୍ୟ ତଥା ଆଇକେଏସ୍ର ଅଧ୍ୟକ୍ଷା ପ୍ରଫେସର ଅଞ୍ଜଳି ତ୍ରିପାଠୀ ସ୍ୱାଗତ ଭାଷଣ ପ୍ରଦାନ କରିବା ସହ ସେମିନାରର ବିଷୟବସ୍ତୁ ଉପସ୍ଥାପନ କରିଥିଲେ। ଉଦ୍ଘାଟନୀ ଅଧିବେଶନରେ ମୁଖ୍ୟ ଅତିଥି ପ୍ରଫେସର ଦୀପକ କୁମାର ବେହେରା ଏବଂ ସମ୍ମାନିତ ଅତିଥି ପ୍ରଫେସର ଜତୀନ୍ଦ୍ର କୁମାର ନାୟକ ଓ ପ୍ରଫେସର ଜଗନ୍ନାଥ ଦାଶ ନିଜର ମୂଲ୍ୟବାନ ବକ୍ତବ୍ୟ ରଖିଥିଲେ। ଏହି ଅବସରରେ ପରିବେଷଣ କଳା କ୍ଷେତ୍ରରେ ଅବଦାନ ପାଇଁ ଜାତୀୟ ସଙ୍ଗୀତ ନାଟକ ଏକାଡେମୀ ପୁରସ୍କାରପ୍ରାପ୍ତ ଗୁରୁ ରଞ୍ଜିତ କୁମାର ନାଗଙ୍କୁ ସମ୍ବର୍ଦ୍ଧିତ କରାଯାଇଥିଲା।
ସେମିନାରର ବୈଷୟିକ ଅଧିବେଶନଗୁଡ଼ିକରେ ରାଜ୍ୟ ତଥା ଦେଶ ର ବିଭିନ୍ନ ଅଞ୍ଚଳରୁ ଆସିଥିବା ବିଶିଷ୍ଟ ଗବେଷକ, ଶିକ୍ଷାବିତ୍ ଓ କଳାସାଧକମାନେ ଅଂଶଗ୍ରହଣ କରିଥିଲେ। ସେମାନଙ୍କ ମଧ୍ୟରେ ପ୍ରଫେସର ଭଗବାନ ସାହୁ, ଡ. ବସନ୍ତ କୁମାର ମହନ୍ତ, ଶ୍ରୀ ଆଶିଷ କୁମାର ବାସା, ଡ. ମେଘନୁର ମହାନ୍ତ, ଶ୍ରୀମତୀ ମହାନ୍ତ ବବିତା କୈଲାରୀ, ଶ୍ରୀ ବିଭୂତି ଭୂଷଣ ମହନ୍ତ, ଡ. ବାୟାମନୁ ଚର୍ଚ୍ଚି, ଡ. ଜତୀନ୍ଦ୍ର ନାଥ ବେଶ୍ରା, ଡ. ଶ୍ୟାମ ସୁନ୍ଦର ଧର, ଗୁରୁ ଶ୍ରୀ ରଞ୍ଜନ କୁମାର ସାହୁ, ଡ. ମୋହିତ କୁମାର ସ୍ୱାଇଁ, ଡ. ଅତୀଶ ଶତପଥୀ, ଶ୍ରୀ ଜଗଦାନନ୍ଦ ବେହେରା ଏବଂ ଡ. ସତ୍ୟନାରାୟଣ ଠାକୁର ପ୍ରମୁଖ ରହିଥିଲେ। ଓଡ଼ିଶାର ନାଟକ, ଲୋକନୃତ୍ୟ, ଲୋକଗୀତ, ରଙ୍ଗମଞ୍ଚ, ଜନଜାତିୟ ପରମ୍ପରା ଓ ଆନୁଷ୍ଠାନିକ ପରିବେଷଣ କଳା ଉପରେ ସେମାନଙ୍କର ବିବିଧ ଗବେଷଣା ଓ ବିଦ୍ୱତ୍ତାପୂର୍ଣ୍ଣ ଆଲୋଚନା ସେମିନାରର ଶୈକ୍ଷିକ ମାନକୁ ସମୃଦ୍ଧ କରିବା ସହ ଓଡ଼ିଶାର ଗୌରବମୟ ସାଂସ୍କୃତିକ ଐତିହ୍ୟକୁ ଉଜାଗର କରିଥିଲା।
