ଶିଶୁଯତ୍ନ ଅନ୍ତେବାସୀ ପାଳିଲେ ଜନ୍ମାଷ୍ଟମୀ
ଗୁଣୁପୁର ,-(ସୁରେନ୍ଦ୍ର ମହାନ୍ତି )ଆଜି ପବିତ୍ର ଜନ୍ମାଷ୍ଟମୀ । ଭଗବାନ ଶ୍ରୀକୃଷ୍ଣ ଙ୍କ ଜନ୍ମତ୍ସଵ । ସାରା ଦେଶ ପାଳୁଛି ଜନ୍ମାଷ୍ଟମୀ । ରାୟଗଡା ଜିଲ୍ଲା ଗୁଣୁପୁର ବ୍ଲକ୍ ଲିମାମେଡା ଠାରେ ଥିବା ବାଳ ନିକେତନ ଶିଶୁ ଯତ୍ନ ଅନୁଷ୍ଠାନ ପରିସରରେ ଆଜି ଅତି ଆନନ୍ଦ ଉଲ୍ଲାସର ସହିତ ଏହି ଶ୍ରୀକୃଷ୍ଣ ଜନ୍ମତ୍ସଵ ପାଳନ କରାଯାଇଛି । ଅନ୍ତେବାସୀ ଶିଶୁ ମାନେ ଶ୍ରୀକୃଷ୍ଣ ଙ୍କ ଲୀଳା ଚରିତ ବିଭିନ୍ନ ବେଶ ରେ ସୁସଜ୍ଜିତ ହୋଇଥିଲେ । ଶ୍ରୀମଦ ଭାଗବତ ବର୍ଣ୍ଣିତ ଶ୍ରୀକୃଷ୍ଣ ଜନ୍ମାଷ୍ଟମୀ ଚରିତ୍ର ଅଭିନୟ କରାଯାଇଥିଲା । ପରେ ଭଗବାନ ଙ୍କ ବେଶଧାରୀ ଅନ୍ତେବାସୀ ମାନେ ସ୍ଥାନୀୟ ଅଞ୍ଚଳରେ ନାମ କୀର୍ତ୍ତନ ସହ ପରିକ୍ରମା କରି ଭକ୍ତଙ୍କୁ ଦର୍ଶନ ଦେଇଥିଲେ । ବାଲ୍ୟ କାଳରୁ ପିଲାଙ୍କୁ ଆଧ୍ୟାତ୍ମିକ ଚିନ୍ତା ଚେତନା ଜାଗ୍ରତ କରାଇବା, ପୌରାଣିକ ଶିକ୍ଷା, ସାହସ, ଭକ୍ତି, ସେବା ଏସବୁ ପ୍ରତି ପିଲାଙ୍କୁ ଅଧିକ ଗ୍ରହଣୀୟ କରାଇବା ପାଇଁ ଏଭଳି କାର୍ଯ୍ୟକ୍ରମ କରାଯାଉଛି ବୋଲି ଅନୁଷ୍ଠାନ ପରାମର୍ଶ ଦାତା ଅଜିତ୍ ମହାନ୍ତି କହିଛନ୍ତି । ଅନୁଷ୍ଠାନ ର କଳା ଓ ସଙ୍ଗୀତ ଶିକ୍ଷକ ନବୀନ ଗୁରୁଙ୍କ ନିର୍ଦେଶନା ରେ କାର୍ଯ୍ୟକ୍ରମ ପରିଚାଳନା କରାଯାଇଥିବା ବେଳେ ସମସ୍ତ କର୍ମଚାରୀ ଉପସ୍ଥିତ ରହି ଭଗବାନ ଶ୍ରୀକୃଷ୍ଣ ଙ୍କ ଦିବ୍ୟଲୀଳା ରେ ଅଂଶ ଗ୍ରହଣ କରିଥିଲେ ।
