ବ୍ରାହ୍ମଣୀଗାଁ ପୁଲିସର ଲଗାତାର ଚଢ଼ାଉ ପୁଣି ୨୫୦ କେଜି ମହୁଲ ପୋଚ ନଷ୍ଟ
ବ୍ରାହ୍ମଣୀଗାଁ ତା: ୨୫/୦୧କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ଥାନା ପୋଲିସ ପକ୍ଷରୁ ବେଆଇନ ଦେଶୀ ମଦ ରନ୍ଧା କାରବାର ଉପରେ ଗୁରୁତ୍ବ ଦେଇ ଲଗାତାର ଥାନା ଅଞ୍ଚଳ ର ବିଭିନ୍ନ ସ୍ଥାନ ରେ ଚଢ଼ାଉ ଜାରି ରଖିଛି , ମଙ୍ଗଳ ବାର ଦିନ ବ୍ରାହ୍ମଣୀଗାଁ ର ଭିମା ନାଳ ଏରିଆରେ ଚଢ଼ାଉ କରାଯାଇଥିବା ବେଳେ ବୁଧବାର ଦିନ ଆଲାଞ୍ଜୁରୀ ଗ୍ରାମ ରେ ଚଢ଼ାଉ କରିଥିବା ଜଣାପଡ଼ିଛି। ସୂଚନା ଅନୁଯାୟୀ ଉକ୍ତ ଥାନା ଅଞ୍ଚଳ ରେ ବେଆଇନ ଭାବେ ଚାଲୁଥିବା ଦେଶୀ ମହୁଲି ମଦ କାରବାର କୁ ରୋକିବା ପାଇଁ ଏ ପ୍ରକାର ର ପଦକ୍ଷେପ ଗ୍ରହଣ କରାଯାଇଛି। ବିଶ୍ଵସ୍ତ ସୂତ୍ରରୁ ଖବର ପାଇ ବୁଧବାର ଦିନ ସକାଳୁ ବ୍ରାହ୍ମଣୀଗାଁ ଥାନା ଅଧିକାରୀ ଚାପ ଧାରୀ ପ୍ରଧାନ ଙ୍କ ନେତୃତ୍ବରେ ପୋଲିସ ବାହିନୀ ଅଲାଞ୍ଜୁରି ଗ୍ରାମରେ ଚଢାଉ କରିଥିଲେ , ମଦଭାଟି ଭାଙ୍ଗିବା ସହ ୨୫୦ କେଜି ର ପୋଚ ନଷ୍ଟ କରିଥିଲେ ଏବଂ ସେଥିରେ ବ୍ୟବହୃତ ସାମଗ୍ରୀ ଗୁଡିକୁ ଜବତ କରିଥିବା ଜଣାପଡ଼ିଛି। ଚଢ଼ଉ ସମୟରେ ଉପ ଆରକ୍ଷୀ ଅଧିକାରୀ ଅମରେନ୍ଦ୍ର ସୁବୁଦ୍ଧି ଙ୍କ ସମେତ ପୋଲିସ ବାହିନୀ ଓ ଗୃହରକ୍ଷୀ ସାମିଲ ହୋଇଥିଲେ।(କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ରୁ ମନୋରଞ୍ଜନ ରଣା ଙ୍କ ରିପୋର୍ଟ)
