ନେହୁରୁ ଯୁବ କେନ୍ଦ୍ର, ପୁରୀ ଆନୁକୂଲ୍ୟରେ ପଡୋଶୀ ଯୁବ ସଂସଦ କାର୍ଯ୍ୟକ୍ରମ ଅନୁଷ୍ଠିତ …
ଆଜି ପୁରୀ ଶ୍ରୀଜଗନ୍ନାଥ ସଂସ୍କୁତ ବିଶ୍ୱବିଦ୍ୟାଳୟ ପରିସରରେ ନେହୁରୁ ଯୁବ କେନ୍ଦ୍ର ପୁରୀ ଆନୁକୂଲ୍ୟରେ ପଡୋଶୀ ଯୁବ ସଂସଦ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି l ଏହି କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବେ ପୁରୀ ସଦର ବିଧାୟକ ଜୟନ୍ତ କୁମାର ଷଡ଼ଙ୍ଗୀଙ୍କ ସହିତ ତୁଳସୀ ପୃଷ୍ଟି, ଜୟସଙ୍କର ଯୋଶୀ, ଡକ୍ଟର ଦେବାଶିଷ ତ୍ରିପାଠୀ, ପଦ୍ମଲାଭ ପଣ୍ଡା, ଅଶୋକ କୁମାର ପଣ୍ଡାଙ୍କ ସହିତ ଅନ୍ୟ ବିଜ୍ଞ ବ୍ୟକ୍ତିତ୍ୱ ମଞ୍ଚାସିନ ରହି ଏହି ଆଲୋଚନା ଚକ୍ରରେ ମତବ୍ୟକ୍ତ କରିଥିଲେ l ବିଧାୟକ ଜୟନ୍ତ ଷଡ଼ଙ୍ଗୀ କହିଥିଲେ କି ରାଜ୍ୟ ସରକାର ମହାବିଦ୍ୟାଳୟ ମାନଙ୍କରେ ରାଜନୀତି ବନ୍ଦ କରି ବହୁତ ବଡ଼ ଭୁଲ କରିଛନ୍ତି l କଲେଜ ମାନଙ୍କରୁ ଛାତ୍ରଛାତ୍ରୀ ମାନେ ରାଜନୀତି କରି କିଏ ବିଧାୟକ କିଏ ସାଂସଦ କିଏ ସରପଞ୍ଚ ହୁଅନ୍ତି କିନ୍ତୁ ଏହାକୁ ବନ୍ଦ କରି ଯୁବ ସମାଜ ମଧ୍ୟରୁ ରାଜନୈତିକ ଜ୍ଞାନ ଦୁରେଇ ଦେଉଛନ୍ତି l ସେହିଭଳି ଅନ୍ୟ ଅତିଥିମାନେ ନିଜନିଜର ବକ୍ତବ୍ୟ ରଖି କହିଥିଲେ ଯୁବ ସମାଜ ଆଗକୁ ଯିବାକୁ ହେଲେ ରାଜନୀତି ହେଉଛି ମୁଖ୍ୟ ପୃଷ୍ଠେପୋଷାକ କିନ୍ତୁ ରାଜ୍ୟ ସରକାର ଏଥିପ୍ରତି ଦୃଷ୍ଟି ଦେଉନାହାନ୍ତି l ତେଣୁ ରାଜ୍ୟ ସରକାର ଏଥିପ୍ରତି ଦୃଷ୍ଟି ଦେବା ଆବଶ୍ୟକ l ପରେପରେ ପୁରୀଜିଲ୍ଲାର ବିଭିନ୍ନ ଅନୁଷ୍ଠାନ କୁ ସମ୍ମାନିତ କରିବା ସହିତ ଆଗାମୀ ଦିନରେ ଯୁବ ସମାଜ କିଭଳି ସେବା ମନୋଭାବ ରଖି କାର୍ଯ୍ୟ କରିବେ ସେଥିପ୍ରତି ଗୁରୁତ୍ୱାରୋପ କରିଥିଲେ l ଏହି କାର୍ଯ୍ୟକ୍ରମ କୁ ଦେବେନ୍ଦ୍ର ଆଚାର୍ଯ୍ୟ ପରିଚାଳନା କରିଥିବା ବେଳେ ନେହୁରୁ ଯୁବ କେନ୍ଦ୍ର ର ଅଶୋଜ କୁମାର ବେହେରା ପରିଚାଳନା ରେ ସହଯୋଗ କରିଥିଲେ l
(ପୁରୀରୁ ରମେଶ ସାହୁଙ୍କ ରିପୋର୍ଟ)
