ଜୟପୁରକୁ ନୂତନ ଜିଲ୍ଲା ଘୋଷଣା ଦାବି: ମୁଖ୍ୟମନ୍ତ୍ରୀଙ୍କୁ ନାଗରିକଙ୍କ ସ୍ମାରକପତ୍ର

କୋରାପୁଟ, (ଗୁପ୍ତେଶ୍ୱର ରଥ)୨୩/୦୨: କୋରାପୁଟ ଜିଲ୍ଲାର ଜୟପୁର ଅଞ୍ଚଳକୁ ଏକ ସ୍ୱତନ୍ତ୍ର ଜିଲ୍ଲା ଭାବେ ଘୋଷଣା କରିବା ଦାବିରେ ସ୍ଥାନୀୟ ନାଗରିକ ସମାଜ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ନେଇଛି। ଅଞ୍ଚଳର ସମସ୍ତ ସଚେତନ ନାଗରିକ ଏକଜୁଟ ହୋଇ ରାଜ୍ୟ ମୁଖ୍ୟମନ୍ତ୍ରୀଙ୍କ ନିକଟରେ ଏକ ଔପଚାରିକ ଦାବିପତ୍ର ଦାଖଲ କରିଛନ୍ତି। ଦାବିପତ୍ରରେ ଭାରତୀୟ ସଂବିଧାନର ଅନୁଚ୍ଛେଦ ୧୬୨ ର ଉଲ୍ଲେଖ କରି ଜୟପୁରକୁ ଅବିଳମ୍ବେ ଜିଲ୍ଲାର ମର୍ଯ୍ୟାଦା ପ୍ରଦାନ କରିବାକୁ ଅନୁରୋଧ ଜଣାଯାଇଛି। ନାଗରିକମାନେ କହିଛନ୍ତି ଯେ ଦଶନ୍ଧି ଧରି ଏ ଅଞ୍ଚଳ ପ୍ରଶାସନିକ ଅବହେଳାର ଶିକାର ହୋଇ ଆସୁଛି ଏବଂ ସ୍ଥାନୀୟ ଜନସାଧାରଣ ସାମାନ୍ୟ ସରକାରୀ ସୁବିଧା ପାଇଁ ମଧ୍ୟ ଦୂର ଜିଲ୍ଲା ସଦର ପର୍ଯ୍ୟନ୍ତ ଯିବାକୁ ବାଧ୍ୟ ହେଉଛନ୍ତି।

ପ୍ରସ୍ତାବିତ ଜିଲ୍ଲାର ସୀମା

ଦାବିପତ୍ରରେ ଉଲ୍ଲେଖ ଥିବା ପ୍ରସ୍ତାବ ଅନୁଯାୟୀ, ନୂତନ ଜୟପୁର ଜିଲ୍ଲାରେ ନିମ୍ନଲିଖିତ ଅଞ୍ଚଳଗୁଡ଼ିକୁ ଅନ୍ତର୍ଭୁକ୍ତ କରିବାକୁ ଅନୁରୋଧ କରାଯାଇଛି:ଜୟପୁର ସବଡିଭିଜନ (କୋରାପୁଟ ଜିଲ୍ଲା)

ଲମତାପୁଟ ବ୍ଲକ୍ (କୋରାପୁଟ ଜିଲ୍ଲା) ଗୋବିନ୍ଦପାଲି (ମାଲକାନଗିରି ଜିଲ୍ଲା)କୋସାଗୁମୁଡା (ନବରଙ୍ଗପୁର ଜିଲ୍ଲା) ଅଭିବୃଦ୍ଧିର ଆଶା ଦାବିପତ୍ରରେ ସ୍ୱାକ୍ଷର କରିଥିବା ନାଗରିକମାନେ ଆଶା ପ୍ରକାଶ କରିଛନ୍ତି ଯେ, ଜୟପୁର ଜିଲ୍ଲା ଘୋଷଣା ହେଲେ ଚାକିରି ସୁଯୋଗ ବୃଦ୍ଧି ପାଇବ, ଶିକ୍ଷା ଓ ସ୍ୱାସ୍ଥ୍ୟ ସେବା ଉନ୍ନତ ହେବ ଏବଂ ସ୍ଥାନୀୟ ଅର୍ଥନୈତିକ ବିକାଶ ତ୍ୱରାନ୍ୱିତ ହେବ। ଏତଦ୍ ବ୍ୟତୀତ ଅଞ୍ଚଳର ଅନୁସୂଚିତ ଜନଜାତି ଓ ଅନ୍ୟ ପଛୁଆ ବର୍ଗ ଲୋକମାନଙ୍କ ଜୀବନ ଯାତ୍ରାର ମାନ ଉନ୍ନତ ହୋଇ ପ୍ରକୃତ ଅର୍ଥରେ ସ୍ଥାୟୀ ବିକାଶ ସୁନିଶ୍ଚିତ ହୋଇ ପାରିବ ବୋଲି ସେମାନେ ଦୃଢ଼ ମତ ରଖିଛନ୍ତି। ସରକାରୀ ପ୍ରତିକ୍ରିୟାର ଅପେକ୍ଷା

ଉଲ୍ଲେଖଯୋଗ୍ୟ ଯେ ଏହି ଦାବିପତ୍ର ମୁଖ୍ୟମନ୍ତ୍ରୀ କାର୍ଯ୍ୟାଳୟ ଦ୍ୱାରା ଗ୍ରହଣ କରାଯାଇଛି। ଏବେ ସ୍ଥାନୀୟ ଜନସାଧାରଣଙ୍କ ଦୃଷ୍ଟି ରାଜ୍ୟ ସରକାରଙ୍କ ଆଗାମୀ ପଦକ୍ଷେପ ଉପରେ ରହିଛି। ସ୍ଥାନୀୟ ଜନ ପ୍ରତିନିଧିମାନେ ମଧ୍ୟ ଏହି ଦାବିକୁ