ବର୍ଷାରେ ହାଲ ବେହାଲ ଗୁଣୁପୁର

ଗୁଣୁପୁର,-(ସୁରେନ୍ଦ୍ର ମହାନ୍ତି )ଆଜି ଅପରାହ୍ନରେ ଗୁଣୁପୁର ଅଞ୍ଚଳରେ ଭୀଷଣ କାଳବୈଶାଖୀ ପ୍ରଭାବରେ ବର୍ଷା ହୋଇଥିଲା । ମାତ୍ର କେଇ ମିନିଟରେ ସହର ସାରା ଜଳାର୍ଣ୍ଣବ ହୋଇପଡିଥିଲା । ନାଳ ନର୍ଦ୍ଦମା ପାଣି ରାସ୍ତା ଉପରକୁ ମାଡ଼ି ଆସିବାରୁ ଅଳିଆ ଆବର୍ଜନା ଓ ଦୁର୍ଗନ୍ଧମୟ ପରିବେଶ ସୃଷ୍ଟି ହୋଇଥିଲା । ବିପର୍ଯ୍ୟସ୍ତ ନାଳ ନର୍ଦ୍ଦମା ବ୍ୟବସ୍ଥା, ପରିମଳ ବ୍ୟବସ୍ଥାରେ ସୁଧାର ନ ଆସିବା ଯୋଗୁଁ ଏଭଳି ପରିସ୍ଥିତି ସୃଷ୍ଟି ହୋଇଥିବା ଜଣାପଡିଛି । ପୌର ପରିଷଦ ପକ୍ଷରୁ ଏନେଇ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ଦାବୀ ହେଉଛି ।