ଶେଷ ଯାତ୍ରାରେ ଦାମୋଦର …
ବର୍ଷିୟାନ ନେତା ତଥା ବିଜେଡି ଦଳର ତୁଣ୍ଡ ଭାବେ ପରିଚିତ ଡାକ୍ତର ଦାମୋଦର ରାଉତଙ୍କ ବିୟୋଗରେ ସାରା କୁଜଙ୍ଗ ଅଞ୍ଚଳ ସ୍ତବ୍ଦ ହୋଇଯାଇଛି | ପାରାଦୀପ କୁଜଙ୍ଗ ଅଂଚଳରେ ଶୋକର ଛାୟା ଖେଳିଯାଇଛି | ହଜାର ହଜାର ସମର୍ଥକ ରାସ୍ତା କଡରେ ତାଙ୍କ ମରଶରିର ଆସିବା ବାଟକୁ ଚାହିଁ ରହିଛନ୍ତି | ତାଙ୍କ ସମସାମୟିକ ଦଳିୟ ସମର୍ଥକ ଓ କୁଜଙ୍ଗ ଅଚଳବାସୀ ଦାମବାବୁଙ୍କ ବିୟୋଗ ଖବର ପାଇ ଆମେ ନେତା ନୁହେଁ ବରଂ ନେତୃତ୍ବ ହରାଇଲୁ ବୋଲି କହିଛନ୍ତି | ଓଡିଶା ରାଜନିତୀରେ ଜଣେ ଦକ୍ଷ ରାଜନିତିଜ୍ଞଙ୍କୁ ହରାଇ ଏକ ଅପୁରଣିୟ କ୍ଷତି ହୋଇଛି | ଜନସାଧାରଣଙ୍କ ସେବା ଓ ଅଂଚଳର ଉନ୍ନତି ପାଇଁ ତାଙ୍କର କାର୍ଯ୍ଯ ଚିର ସ୍ମରଣିୟ ହୋଇରହିବ | ତେବେ ଶଂଖ ଭବନ ଛାଡିବା ପରେ ତାଙ୍କ ମରଶରୀରକୁ ପାରାଦୀପ ଅଭିମୁଖେ ଅଣାଯାଇଛି | ତାରପୁର, ଯଇପୁର, ତିର୍ତ୍ତୋଲ, ରାହାମା ଓ କୁଜଙ୍ଗ ଭଳି ବିଭିନ୍ନ ସ୍ଥାନରେ ତାଙ୍କର ସମର୍ଥକମାନେ ଏକତ୍ର ହୋଇ ଦାମବାବୁଙ୍କୁ ଶେଷ ଶ୍ରଦ୍ଧାଞ୍ଜଳୀ ଜ୍ଞାପନ କରିଛନ୍ତି | ଲୋକେ ଦଳମତ ନିର୍ବିଶେଷରେ ତାଙ୍କୁ ଝୁରୁଛନ୍ତି ଓ ତାଙ୍କର ଅନ୍ତିମ ଦର୍ଶନ କରି ଶେଷ ବିଦାୟ ଦେଇଛନ୍ତି |। (ପାରାଦୀପ ରୁ ଦେବାଶିଷ ପାଣିଙ୍କ ରିପୋର୍ଟ ଉପାନ୍ତ ଖବର )
