ରଶି ଲଗାଇ ଯୁବକଙ୍କ ଆତ୍ମହତ୍ଯା
ବୁଗୁଡା : ତା ୨୧/୦୮/୨୪ : ବୁଗୁଡା ଥାନା ଅନ୍ତର୍ଗତ ବାଲିପଦର ଗ୍ରାମରେ ଜନୈକ ଯୁବକ ବେକରେ ରଶି ଲଗାଇ ଆତ୍ମହତ୍ୟା କରିଥିବା ଜଣା ଯାଇଛି । ମୃତ ଯୁବକ ଜଣକ ପାଟପୁର ଥାନା ଅଧିନସ୍ଥ ନିସ୍ତିପୁର ଗାଁର ବସନ୍ତ ସାହୁ । ପ୍ରକାଶ ଯେ , ବସନ୍ତ ବାଲିପଦର ଗ୍ରାମରେ ଏକ ଭଡା ଘରେ ରହୁଥିଲେ ଏବଂ ସେ ରଙ୍ଗ ମିସ୍ତ୍ରୀ କାମ କରି ଚଳୁଥିଲେ । ମାନସିକ ଅଶାନ୍ତି ଯୋଗୁଁ ସେ ଆଜି ସେହି ଭଡା ଘରେ ହିଁ ବେକରେ ରଶି ଲଗାଇ ଓହଳି ପଡିଥିଲେ । ତାଙ୍କର ସ୍ତ୍ରୀ ତାଙ୍କୁ ସେଠାରୁ ଉଦ୍ଧାର କରି ବୁଗୁଡା ମେଡିକାଲକୁ ଆଣିଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ବୁଗୁଡା ପୋଲିସ ମେଡିକାଲରେ ପହଞ୍ଚି ଶବକୁ ଜବତ କରି ଏକ ଅପମୃତ୍ୟୁ ମାମଲା ରୁଜୁ କରିଥିବା ଜଣାଯାଇଛି ।
