ନିମଖଣ୍ଡି ସରକାରୀ ଆଶ୍ରମ ବିଦ୍ୟାଳୟରେ ବାର୍ଷିକ ଉତ୍ସବ….
କୁକୁଡାଖଣ୍ଡି ବ୍ଲକ ଅନ୍ତର୍ଗତ ନିମଖଣ୍ଡି ସରକାରୀ ଆଶ୍ରମ ବିଦ୍ୟାଳୟରେ ବୁଧବାର ଦିନ ବାର୍ଷିକ ଉତ୍ସବ ଓ ବାର୍ଷିକ କ୍ରିଡା ଉତ୍ସବ ଅନୁଷ୍ଠିତ ହୋଇଯାଇଛି । ଏହି ଉତ୍ସବରେ ଅତିରିକ୍ତ ଜିଲ୍ଲା ମଙ୍ଗଳ ଅଧିକାରୀ ଦେବ ରଂଜନ ଦାଶ ସଭାପତି ଆସନ ଅଳଙ୍କୃତ କରିଥିଲେ । ଦକ୍ଷିଣାଚଳ ରାଜସ୍ବ ବିଭାଗର ଡେପୁଟି ଡାଇରେକ୍ଟର. ବ୍ରହ୍ମପୁର (ଏସ୍. ଏସ. ଡି.) ଅଶୋକ କୁମାର ଶତପଥୀ ମୁଖ୍ୟ ଅତିଥି ଭାବେ ଯୋଗ ଦେଇ କାର୍ଯ୍ୟକ୍ରମକୁ ଶୁଭାରମ୍ଭ କରି ଶ୍ରୀ ଜଗନ୍ନାଥଙ୍କ ନିକଟରେ ପ୍ରଦୀପ ପ୍ରଜ୍ଜଳନ କରିଥିଲେ। ଏଥିରେ ମୁଖ୍ୟବକ୍ତା ଭାବରେ ବିଜୁ ପଟ୍ଟନାୟକ ଆଦର୍ଶ ବିଦ୍ୟାଳୟର ଅଧ୍ୟକ୍ଷ ଦୟାନିଧୀ ଦାଶ, ସମ୍ମାନୀତ ଅତିଥି ଭାବେ ମଙ୍ଗଳ ସଂପ୍ରସାରଣ ଅଧିକାରିଣୀ ଅମ୍ରିତା ପଣ୍ଡା . ଅବସରପ୍ରାପ୍ତ ପ୍ରଧାନଶିକ୍ଷକ ରାଜକିଶୋର ପାଢି, ସରକାରୀ ଉଚ୍ଚବିଦ୍ୟାଳୟ ହୁମ୍ମା (ଏସ୍.ଏସ.ଡି.) ପ୍ରଧାନଶିକ୍ଷକ ଅଶୋକ କୁମାର ପାଢି, ନିମଖଣ୍ଡି କୃଷ୍ଟରର ସି.ଆର.ସି.ସି. ଲୋକନାଥ ପାଢି ଯୋଗ ଦେଇ କାର୍ଯ୍ୟକ୍ରମର ଶୁଭାରମ୍ଭ କରିଥିଲେ । ଏହି କାର୍ଯ୍ୟକ୍ରମରେ ବିଦ୍ୟାଳୟର ପ୍ରଧାନଶିକ୍ଷକ ପ୍ରମୋଦ କୁମାର ସାହୁ ବାର୍ଷିକ ବିବରଣୀ ପାଠ କରିଥିଲେ । ଡେପୁଟି ଡାଇରେକ୍ଟର ଛାତ୍ରୀମାନଙ୍କୁ ସମୟାନୁବର୍ତିତା ହେବା ସହ ଜୀବନରେ ଶୃଙ୍ଖଳା ରକ୍ଷା କରିବାକୁ ଉପଦେଶ ଦେଇଥିଲେ । ହୁମା ହାଇସ୍କୁଲର ପ୍ରଧାନଶିକ୍ଷକ ଛାତ୍ରୀମାନଙ୍କୁ ଜୀବନର ଲକ୍ଷ୍ୟ ବିଷୟରେ ଆଲୋକପାତ କରିଥିଲେ । ମୁଖ୍ୟବକ୍ତା ଛାତ୍ରୀମାନଙ୍କୁ ଜୀବନରେ ୧୭ ବର୍ଷ ପର୍ଯ୍ୟନ୍ତ କଠିନ ପରିଶ୍ରମ କରି ଅଧ୍ୟବସାୟ କଲେ ପର ସମୟରେ ଖୁସିରେ ଜୀବନ ଯାପନ କରିପାରିବ ବୋଲି ଉପଦେଶ ଦେଇଥିଲେ । କୃତି ଛାତ୍ରୀମାନଙ୍କୁ ଟ୍ରଫି ସହିତ ମାନପତ୍ର ଦେଇ ସମ୍ମାନୀତ କରାଯାଇଥିଲା । ଏହାପରେ ମଧ୍ୟାହ୍ନ ବିରତି ହୋଇଥିଲା । ପରେ ବିଦ୍ୟାଳୟର କୁନିକୁନି ଛାତ୍ରୀମାନଙ୍କ ଦ୍ଵାରା ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମରେ ସମସ୍ତ ଶିକ୍ଷକ/ଶିକ୍ଷୟତ୍ରୀ ଓ କର୍ମଚାରୀ ତଥା ପରିଚାଳନା କମିଟିର ସହଯୋଗ ପ୍ରଦାନ କରିଥିଲେ । ଶେଷରେ ବିଦ୍ୟାଳୟର ସହକାରୀ ଶିକ୍ଷକ ସୂର୍ଯ୍ୟ ନାରାୟଣ ସାହୁ ଧନ୍ୟବାଦ ଅର୍ପଣ କରିଥିଲେ । (କୁକୁଡ଼ାଖଣ୍ତି ରୁ ପି.କୃଷ୍ଣମୂର୍ତ୍ତି ରିପୋର୍ଟ)
