ଅବସରପ୍ରାପ୍ତ ଶିକ୍ଷକ ପ୍ରମୋଦ ଚନ୍ଦ୍ର ପଟ୍ଟନାୟକଙ୍କ ଦେହାନ୍ତରେ ଶୋକର ଛାୟା

ଅବସରପ୍ରାପ୍ତ ଶିକ୍ଷକ ପ୍ରମୋଦ ଚନ୍ଦ୍ର ପଟ୍ଟନାୟକଙ୍କ ଦେହାନ୍ତରେ ଶୋକର ଛାୟା
ବୁଗୁଡ଼ା : ତା ୩୦/୦୬/୨୩ : ସ୍ଥାନୀୟ ପିପୁଲ୍ସ ହାଇସ୍କୁଲର ଅବସରପ୍ରାପ୍ତ ଶିକ୍ଷକ ପ୍ରମୋଦ ଚନ୍ଦ୍ର ପଟ୍ଟନାୟକ(୮୦)ଙ୍କ ଦେହାନ୍ତରେ ଅଞ୍ଚଳରେ ଶୋକର ଛାୟା ଖେଳିଯାଇଛି । ସେ ତାଙ୍କର ମଝିଆ ପୁଅ ସୁଶାନ୍ତଙ୍କ ପାଖରେ ଭୁବନେଶ୍ବରରେ ରହିଆସୁଥିବା ବେଳେ ଗତକାଲି ରାତି ୯ଟା ୪୩ ମିନିଟରେ ବାର୍ଦ୍ଧକ୍ୟ ଜନିତ ଶାରୀରିକ ଅସୁସ୍ଥତା କାରଣରୁ ମୃତ୍ୟୁ ବରଣ କରିଥିଲେ । ତାଙ୍କର ମୃତ୍ୟୁଶଯ୍ୟା ନିକଟରେ ତିନି ପୁଅ ଓ ବୋହୂଙ୍କ ସମେତ ନାତିନାତୁଣୀମାନେ ଉପସ୍ଥିତ ରହିଥିଲେ । ପୁରୀ ସ୍ବର୍ଗଦ୍ବାରରେ ତାଙ୍କର ଶେଷକୃତ୍ୟ ସମ୍ପନ୍ନ କରାଯାଇଥିଲା । ଏହି ଖବର ପ୍ରଚାରିତ ହେବା ପରେ ତାଙ୍କର ହଜାର ହଜାର ଛାତ୍ରଙ୍କ ମଧ୍ୟରେ ଶୋକର ଛାୟା ଖେଳିଯାଇଛି। ସେ ଜଣେ ଶାନ୍ତଶିଷ୍ଟ , କର୍ତ୍ତବ୍ୟନିଷ୍ଠ , ସମୟାନୁବର୍ତ୍ତିତା , ଛାତ୍ରବତ୍ସଳ ଏବଂ ଆଦର୍ଶ ଶିକ୍ଷକ ଥିଲେ । ସେ ବୁଗୁଡ଼ା ନବଗୁଞ୍ଜର ସାହିର ମୂଳବାସିନ୍ଦା ଥିଲେ । ପିପୁଲ୍ସ ହାଇସ୍କୁଲରେ ନିଜର ଅଧ୍ଯାପନା ଦକ୍ଷତା କାରଣରୁ ସେ ଜଣେ ସୁନାମଧନ୍ୟ ଗଣିତ ଶିକ୍ଷକ ରୂପେ ଅଞ୍ଚଳରେ ସୁପରିଚିତ ଥିଲେ । ତାଙ୍କର ମୃତ୍ୟୁରେ କେବଳ ପିପୁଲ୍ସ ହାଇସ୍କୁଲର ପୂରାତନ ଛାତ୍ରଙ୍କ ମଧ୍ୟରେ ନୁହେଁ ବୁଗୁଡ଼ା ଅଞ୍ଚଳରେ ମଧ୍ୟ ଶୋକର ଛାୟା ଖେଳିଯାଇଛି ।