ବ୍ଲକର ବିଭିନ୍ନ କ୍ଲଷ୍ଟରରେ ପ୍ରଥମ ମାସିକ କ୍ଲଷ୍ଟର ସ୍ତରୀୟ ବୈଠକ
ଆଜି ଶନିବାର ପୂର୍ବାହ୍ନ ୧୦ଟାରେ ଅତାବିରା ବ୍ଳକ୍ ଅନ୍ତର୍ଗତ ଚଉଦ ଟି କ୍ଲଷ୍ଟର ରେ ସି.ଆର.ସି.ସି. ମାନଙ୍କ ତତ୍ତ୍ଵାବଧାନରେ ଚଳିତ ଶିକ୍ଷା ବର୍ଷର ପ୍ରଥମ କ୍ଲଷ୍ଟର ସ୍ତରୀୟ ମାସିକ ବୈଠକ ଅନୁଷ୍ଠିତ ହୋଇଥିଲା । ଏଥିରେ ସମସ୍ତ ସରକାରୀ ପ୍ରାଥମିକ ଓ ଉଚ୍ଚ ପ୍ରାଥମିକ ବିଦ୍ୟାଳୟର ପ୍ରଧାନ ଶିକ୍ଷକ ଶିକ୍ଷୟିତ୍ରୀ ଏବଂ ମୌଳିକ ସାକ୍ଷରତା ଓ ସଂଖ୍ୟାଜ୍ଞାନ ଶ୍ରେଣୀ ଦାୟିତ୍ୱରେ ଥିବା ଶିକ୍ଷକ ଶିକ୍ଷୟିତ୍ରୀ ଯୋଗଦାନ କରିଥିଲେ । ଅତାବିରା କ୍ଲଷ୍ଟର ର ଏହି ବୈଠକ ସି.ଆର.ସି.ସି ନୃପ ଭୋଇ ଙ୍କ ସଭାପତିତ୍ବରେ ଅନୁଷ୍ଠିତ ହୋଇଥିଲା । ଏହି ବୈଠକକୁ ପରିଦର୍ଶନରେ ଆସିଥିଲେ ଜିଲ୍ଲା ଶିକ୍ଷା ଅଧିକାରୀ ବିଶ୍ଵନାଥ ସାହୁ, ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଡକ୍ଟର ମୁରଲୀଧର ବେହେରା, ଗୋଷ୍ଠୀ ଶିକ୍ଷା ଅଧିକାରୀ ମଛିନ୍ଦ୍ର ମଲ୍ଲିକ ଏବଂ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ବାଗ । ଶିକ୍ଷା ପ୍ରଶାସନିକ ଅଧିକାରୀ ଗଣ ଏହି ବୈଠକରେ ଆଲୋଚିତ ବିଷୟ ଶ୍ରେଣୀ ଶିକ୍ଷାଦାନ ସମୟରେ ପ୍ରୟୋଗ କରି ପିଲାଙ୍କ ବିକାଶ ପାଇଁ କାର୍ଯ୍ୟ କରିବାକୁ ପରାମର୍ଶ ଦେଇଥିଲେ । ସେହିପରି ବୁଗବୁଗା କ୍ଲଷ୍ଟର ର ବୈଠକ ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ବୁଗବୁଗା ଠାରେ ଅନୁଷ୍ଠିତ ହୋଇଥିଲା । ଏଥିରେ ସି.ଆର.ସି.ସି ନନ୍ଦିଘୋଷ ସାଧନା କର୍ମୀ ଦାୟିତ୍ଵ ନିର୍ବାହ କରିଥିଲେ । ଏଥିରେ ଶିଶୁ ବାଟିକା ଓ ମୌଳିକ ସାକ୍ଷରତା ଓ ସଂଖ୍ୟା ଜ୍ଞାନ ଶ୍ରେଣୀ ପରିଚାଳନା ର ବିଭିନ୍ନ ଦିଗ, ଜୁଲାଇ ମାସର ଶୈକ୍ଷିକ କ୍ୟାଲେଣ୍ଡର, ବହୁଶ୍ରେଣୀ ପାଠ ଯୋଜନା, ବିଦ୍ୟାଳୟ ବିକାଶ ଯୋଜନା,ବିଦ୍ୟାଳୟ ସୁରକ୍ଷା ଓ ନିରାପତ୍ତା ଯୋଜନା ସମ୍ପର୍କରେ ଆଲୋଚନା କରା ଯାଇଥିଲା ।
