ଭାଉଜକୁ ଦୁଷ୍କର୍ମ ଅଭିଯୋଗରେ ସମ୍ପର୍କୀୟ ଦିଅର ଗିରଫ

ଭାଉଜକୁ ଦୁଷ୍କର୍ମ ଅଭିଯୋଗରେ ସମ୍ପର୍କୀୟ ଦିଅର ଗିରଫ
ବୁଗୁଡ଼ା : ତା ୧୮/୦୯/୨୩ : ଭାଉଜକୁ ଦୁଷ୍କର୍ମ ଅଭିଯୋଗରେ ସମ୍ପର୍କୀୟ ଦିଅରକୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଗିରଫ ଅଭିଯୁକ୍ତ ଜଣକ ହେଲେ ବୁଗୁଡ଼ା ଏନଏସି ଅନ୍ତର୍ଗତ ଖଦାଳସାହିର ଚନ୍ଦନ ନାଇକ । ଏ ନେଇ କେସ୍ ନଂ ୬୬୧/୨୩ରେ ଏକ ମାମଲା ରୁଜୁ ହୋଇଥିବା ଆଇଆଇସି ଶର୍ମିଷ୍ଠା ପ୍ରଧାନଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ , ବେତାରସିଂ ଗ୍ରାମର ଜନୈକା ମହିଳା ବୁଗୁଡ଼ା ଖଦାଳସାହିରେ ବାହା ହୋଇଥିବା ବେଳେ ସ୍ବାମୀ ସୁରାଟରେ କାମ କରୁଥିବାରୁ ସେ ବେତାରସିଂ ଗାଁରେ ରହୁଥିଲେ । ସ୍ବାମୀଙ୍କ ମାଉସୀ ପୁଅ ଭାଇ ଚନ୍ଦନ କୌଣସି କାମ ବାହାନାରେ ବେତାରସିଂ ଗାଁ ତାଙ୍କର ଘରକୁ ଯାଇ ସେଠାରେ ଅସଦ୍ ଆଚରଣ କରିଥିଲା । ଏ ନେଇ ସମ୍ପର୍କୀୟ ଦିଅର ଚନ୍ଦନ ବିରୁଦ୍ଧରେ ଭାଉଜ ଗତ ୧୬ ତାରିଖରେ ବୁଗୁଡ଼ା ଥାନାରେ ଦୁଷ୍କର୍ମ ଅଭିଯୋଗ କରିଥିଲେ । ଭାଉଜଙ୍କ ଅଭିଯୋଗ କ୍ରମେ ପୋଲିସ ଅଭିଯୁକ୍ତ ଦିଅରକୁ ଗିରଫ କରି କୋର୍ଟ ଚାଲାଣ କରିଛି ।