ନିଖୋଜ ନାବାଳିକା ଉଦ୍ଧାର କଲା ଗଞ୍ଜାମ ପୋଲିସ

ନିଖୋଜ ନାବାଳିକା ଉଦ୍ଧାର କଲା ଗଞ୍ଜାମ ପୋଲିସ
—————————————

– ଗଞ୍ଜାମ =ପ୍ରଦୀପ କୁମାର ପଣ୍ଡା

ଗଞ୍ଜାମ ଥାନା ଅଧିନସ୍ଥ କରପଡା ପଞ୍ଚାୟତ ଅଳିଆବାଦ ଗ୍ରାମର ଜଣେ ନାବାଳିକା କିଛି ଦିନ ହେବ ଘରୁ ପଳାଇଥିଲା l ଚାରିଆଡେ ନିଜ ସମ୍ପକୀୟ ଘର ଖୋଜାଖୋଜି କରିଥିଲେ ମଧ୍ୟ କୌଣସି ପତ୍ତା ନ ମିଳିବାରୁ ଶେଷରେ ନାବାଳିକାଙ୍କ ମାଆ ଗତ 2 ରେ ଝିଅ ନିଖୋଜ ଥିବା ନାବାଳିକା ନାଁରେ ଗଞ୍ଜାମ ଥାନାରେ ଅଭିଯୋଗ କରିଥିଲେ l ଅଭିଯୋଗ ପାଇବା ପରେ ନିଖୋଜ ନାବାଳିକାଙ୍କୁ ଖୋଜି ବାହାର କରିବାକୁ ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିଲା ଗଞ୍ଜାମ ଥାନା ପୋଲିସ l ନାବାଳିକା ଜଣକ ବାଙ୍ଗଲୋର ଷ୍ଟେସନରେ ପହଂଚିବା ପରେ ରେଳବାଇ ପୋଲିସ ତାଙ୍କୁ ଉଦ୍ଧାର କରି ସେଠାର ଚାଇଲଡ ହେଲ୍ପ ଲାଇନରେ ରଖାଯାଇଥିଲା l ଏସମ୍ପର୍କରେ ନାବାଳିକା ନିଜ ମାଆଙ୍କୁ ଫୋନ ଯୋଗେ ଜଣେଇବାରେ ମାଆ ଗଞ୍ଜାମ ଥାନା ସହ ଯୋଗାଯୋଗ କରିଥିଲେ l ସେଠାରୁ ନାବାଳିକାଙ୍କୁ ଉଦ୍ଧାର କରିବାକୁ ଗଞ୍ଜାମ ଥାନା ମହିଳା ଏଏସଆଇ ସୁପ୍ରଭା ସାହୁ ଓ କନେଷ୍ଟବଳ ସଚ୍ଚିଦାନନ୍ଦ ସାହୁ ଟ୍ରେନରେ ବାଙ୍ଗଲୋର ଯାଇଥିଲେ l ନାବାଳିକାଙ୍କୁ ସେଠାରୁ ଉଦ୍ଧାର କରି ଗଞ୍ଜାମ ଥାନାରେ ପହଂଚି ତାଙ୍କ ମାଆଙ୍କୁ ନାବାଳିକା ଝିଅକୁ ସୋମବାର ହସ୍ତାନ୍ତର କରାଯାଇଥିବା ଜଣା ପଡିଛି l ଏନେଇ ଗଞ୍ଜାମ ଥାନା ପୋଲିସର କାର୍ଯ୍ୟଶୈଳୀକୁ ସହର ବାସୀ ଉଚ୍ଚ ପ୍ରଶଂସା କରିଛନ୍ତି l