ନିକିରାଇ ଉଚ୍ଚ ବିଦ୍ୟାପୀଠ ୧୯୯୦ ବ୍ୟାଚର ଛାତ୍ରଛାତ୍ରୀଙ୍କ ବନ୍ଧୁମିଳନ

କେନ୍ଦ୍ରାପଡ଼ା,

କେନ୍ଦ୍ରାପଡା ବ୍ଲକ ଅନ୍ତର୍ଗତ ନିକିରାଇ ମହାବୀର ଉଚ୍ଚ ବିଦ୍ୟାପୀଠର ୧୯୯୦ମସିହା ବ୍ୟାଚର ପୁରାତନ ଛାତ୍ରଛାତ୍ରୀଙ୍କର ନିକିରାଇ କଲେଜ ନିକଟସ୍ଥ ସେଡୁଆ ମହାପୁରୁଷଙ୍କ ପୀଠରେ ଏକ ବନ୍ଧୁମିଳନ ଉତ୍ସବ ଅନୁଷ୍ଠିତ ହୋଇଯାଇଛି । ପୁରାତନ ଛାତ୍ରଛାତ୍ରୀମାନେ ସେମାନଙ୍କ ଅତିତ ସ୍ମୃତିକୁ ରୋମନ୍ଥନ କରିବା ସହିତ ସ୍କୁଲର ଉନ୍ନତି ପାଇଁ ଆବଶ୍ୟକ ପଦକ୍ଷେପ ନେବା ସମ୍ପର୍କରେ ଆଲୋଚନା କରିଥିଲେ । ଏହି ବନ୍ଧୁମିଳନ ଉତ୍ସବରେ ଅବସରପ୍ରାପ୍ତ ଶିକ୍ଷକ ଚକ୍ରଧର ସାହୁ, ପ୍ରସନ୍ନ କୁମାର ଜେନା, ବାସୁଦେବ ଶତପଥି, ରଘୁନାଥ ରାଉତ, ଭାଗବତ ପତ୍ରୀ, ଲଳିତ କୁମାର ରାଉତ, ବସନ୍ତ କୁମାର ଦାସ ଓ ଅବସରପ୍ରାପ୍ତ କିରାଣୀ ପ୍ରସନ୍ନ କୁମାର ଜେନାଙ୍କୁ ଉପଢୌକନ ପ୍ରଦାନ ପୂର୍ବକ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । ଦିବଙ୍ଗତ ୩ଜଣ ଶିକ୍ଷକ କୁଳମଣୀ ଦାସ, ଗୋବିନ୍ଦ ସାହୁ, ଅନିରୁଦ୍ଧ ଜେନା ଏବଂ ୨ଜଣ ଦିବଙ୍ଗତ ସହପାଠୀ ବିରଂଚି ନାରାୟଣ ଜେନା ଓ ଯୁଧିଷ୍ଠିର ସାହୁଙ୍କ ଅମର ଆତ୍ମାର ସଦ୍ଗତି ପାଇଁ ଏକ ମିନିଟ ନୀରବ ପ୍ରାର୍ଥନା କରାଯାଇଥିଲା । ଏହି ବନ୍ଧୁମିଳନ ଉତ୍ସବକୁ ଶ୍ୟାମସୁନ୍ଦର ସେଠୀ ପରିଚାଳନା କରିଥିଲେ । ଶେଷରେ ରାଜେନ୍ଦ୍ର କୁମାର ଜେନା ଧଣ୍ୟବାଦ ଅର୍ପଣ କରିଥିଲେ । ଏହି ବନ୍ଧୁମିଳନ ଉତ୍ସବରେ ପୁରାତନ ଛାତ୍ରଛାତ୍ରୀଙ୍କ ସହ ସେମାନଙ୍କ ପରିବାରବର୍ଗ ଯୋଗଦେଇ ଉତ୍ସବକୁ ସାଫଲ୍ୟ ମଣ୍ଡିତ କରିଥିଲେ ।

ରିପୋର୍ଟ – ଗୋକୁଳ