କଡ୍ଡକନାଥ କୁକୁଡ଼ା ପାଳନ ତାଲିମ ଶିବିର ଅନୁଷ୍ଠିତ
ବୁଗୁଡ଼ା(ହର ପ୍ରସାଦ ପାଢ଼ୀ)ବୁଗୁଡ଼ା ବ୍ଲକ ଅନ୍ତର୍ଗତ କରସିଙ୍ଗି ଗ୍ରାମ ପଞ୍ଚାୟତର ବରଡାସାହି,ମାଣିତାରା ପଞ୍ଚାୟତର ସାପୁଆପଲୀ ଓ କରଚୁଲି ପଞ୍ଚାୟତର ସିଙ୍ଗିପୁର ଗ୍ରାମର ତଫସିଲଭୁକ୍ତ ଜାତି ଓ ତଫସିଲଭୁକ୍ତ ଜନଜାତିର ୭୫ ଜଣ ପ୍ରଶିକ୍ଷାର୍ଥୀଙ୍କ ପାଇଁ ଏକ ଦ୍ବି-ଦିବସୀୟ ତାଲିମ ଶିବିର “ସିଡସ୍” ଓ “ଇଣ୍ଡିଆ” ସ୍ବେଚ୍ଛାସେବୀ ସଙ୍ଗଠନ ଦ୍ବୟର ମିଳିତ ସହଯୋଗରେ ବରଡ଼ାସାହି ଠାରେ ଅନୁଷ୍ଠିତ ହୋଇଯାଇଛି।ଉକ୍ତ ତାଲିମ ଶିବିରରେ ପ୍ରାଣୀ ଚିକିତ୍ସକ ପିଙ୍କି ସାହୁ ତାଲିମଦାତ୍ରୀ ଭାବେ ଯୋଗ ଦେଇ ପ୍ରଶିକ୍ଷାର୍ଥୀଙ୍କୁ ଗୃହ ଅଗଣାରେ କଡ୍ଡକନାଥ କୁକୁଡ଼ା ପାଳନ ପାଇଁ ଆବଶ୍ୟକ ଜ୍ଞାନ ଓ କୌଶଳ ପ୍ରଦାନ କରିଥିଲେ। ଉକ୍ତ ତାଲିମ ଶିବିରଟିକୁ “ଇଣ୍ଡିଆ” ସେବାସଂସ୍ଥାର ନିର୍ଦେଶକ କୁମୁଦ ଚନ୍ଦ୍ର ବେହେରା ପରିଚାଳନା କରିଥିଲା ବେଳେ ସଙ୍ଗଠନର କର୍ମୀ ଚିନ୍ତାମଣି ଗଉଡ, ପ୍ରଦୀପ କୁମାର ପାଢ଼ୀ, ତରୁଣ କୁମାର ସେଠୀ ଓ ରଶ୍ମିତା ବେହେରା ପ୍ରମୁଖ ସହାୟତା କରିଥିଲେ।
