ମୋହନା ବ୍ଲକରେ ସୁଭଦ୍ରା ଯୋଜନା ଲୋକାର୍ପଣ ଉତ୍ସବ ନିମନ୍ତେ ପ୍ରସ୍ତୁତି ବୈଠକ …

ଗଜପତି ଜିଲ୍ଲା ମୋହନା ବ୍ଲକ କାର୍ଯ୍ୟାଳୟ ପରିସର ସମ୍ମିଳନୀ କକ୍ଷ ରେ ସ୍ଥାନୀୟ ଗୋଷ୍ଟି ଉନ୍ନୟନ ଅଧିକାରୀ ରାଜୀବ ଦାସ ନିଜ ସହକର୍ମୀ ମାନଙ୍କୁ ନେଇ ଏକ ପ୍ରସ୍ତୁତି ବୈଠକ କରିଥିଲେ। ଆସନ୍ତା କାଲି ଅର୍ଥାତ ୧୭.୯.୨୪ ତାରିଖ ଦିନ ରାଜ୍ୟ ସରକାର ଘୋଷଣା କରିଥିବା ସୁଭଦ୍ରା ଯୋଜନାକୁ ଭାରତର ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆନୁଷ୍ଠାନିକ ଭାବେ ଓଡ଼ିଶା ଆସି ଲୋକାର୍ପଣ କରିବେ। ଏହି କାର୍ଯ୍ୟକ୍ରମ ଟିକୁ ଆଭାସି ମାଧ୍ୟମରେ ଓଡ଼ିଶାର ସମସ୍ତ ଅଞ୍ଚଳରେ ଲୋକେ ଦେଖିପାରିବେ। ସେହି କାର୍ଯ୍ୟକ୍ରମକୁ ମୋହନା ବ୍ଲକ ଅଞ୍ଚଳ ର ଲୋକେ ଦେଖିବା ନିମନ୍ତେ ସ୍ଥାନୀୟ ବ୍ଲକ ପକ୍ଷରୁ ସରକାରୀ ଉଚ୍ଚ ବିଦ୍ୟାଳୟ ଖେଳ ପଡିଆ ଠାରେ ଆୟୋଜନ କରାଯାଇଛି। ଏହାକୁ ଯେପରି ଅଞ୍ଚଳ ବାସୀ ସୁରୁଖୁରୁରେ ଦେଖି ପାରିବେ ତାହାକୁ ପରିଚାଳନା କରିବା ନିମନ୍ତେ ସ୍ଥାନୀୟ ଗୋଷ୍ଟି ଉନ୍ନୟନ ଅଧିକାରୀ ରାଜୀବ ଦାସ ଏକ ପୂର୍ବ ପ୍ରସ୍ତୁତି ବୈଠକ ଆୟୋଜନ କରି ନିଜ ସହକର୍ମୀ ମାନଙ୍କୁ ଦାୟିତ୍ଵ ପ୍ରଦାନ କରିଛନ୍ତି। ସ୍ଥାନୀୟ ଜନସାଧାରଣ ଆଭାସି ମାଧ୍ୟମରେ ଉତ୍ସବଟିକୁ ସୁରୁଖୁରୁରେ ଉପଭୋଗ କରିପାରିବେ। ଏହି ପ୍ରସ୍ତୁତି ବୈଠକ ରେ ବିଡିଓ ଙ୍କ ସହ ତହସିଲଦାର ସତ୍ୟବାନ ନାୟକ ଏବଂ ସିଡ଼ିପିଓ ସବିତା ପଟ୍ଟନାୟକ ଏବଂ ସହକାରୀ ନିର୍ବାହୀ ଯନ୍ତ୍ରୀ ଆଶିଷ କୁମାର ଶତପଥୀ ଙ୍କ ସମେତ ବ୍ଲକ ଅଞ୍ଚଳର ସମସ୍ତ ବିଭାଗ କର୍ମଚାରୀ ଉପସ୍ଥିତ ଥିଲେ।