ଘର ସିଡିରୁ ପଡି ଯୁବକ ଗୁରୁତର 

ବୁଗୁଡ଼ା : ତା ୧୬/୦୨/୨୩ : ବୁଗୁଡ଼ା ସହର ଉପକଣ୍ଠସ୍ଥ ସନ୍ତୋଷୀ ମନ୍ଦିର ନିକଟରେ ଥିବା ଏକ ଘର ସିଡିରୁ ଖସିପଡି ଜଣେ ଯୁବକ ଗୁରୁତର ଅବସ୍ଥାରେ ବ୍ରହ୍ମପୁରକୁ ସ୍ଥାନାନ୍ତର ହୋଇଥିବା ଜଣାଯାଇଛି । ଗୁରୁତର ଯୁବକ ଜଣକ ହେଲେ ଆଇଓସିଏଲ କର୍ମଚାରୀଙ୍କ ରୋଷେୟା ଉତ୍ତମ ମଣ୍ଡଳ(୨୫) । ପ୍ରକାଶ ଯେ ,ଆଜି ସନ୍ଧ୍ୟାରେ ଉତ୍ତମ ଉପର ମହଲାରୁ ତଳକୁ ଓହ୍ଲାଉଥିବା ବେଳେ ଅସାବଧାନତା ବଶତଃ ରେଲିଂ ନଥିବା ସିଡି ଉପରୁ ତଳକୁ ଖସି ପଡିଥିଲେ । ଅଚେତ ଅବସ୍ଥାରେ ତାଙ୍କୁ ସେଠାରୁ ଉଦ୍ଧାର କରି ଦମକଳବାହିନୀ ବୁଗୁଡ଼ା ମେଡିକାଲକୁ ଆଣିଥିଲେ ।ଛେଚା ମାଡ ସହ ତାଙ୍କର ଡାହାଣ ଗୋଡ଼ଟି ଭାଙ୍ଗି ଯାଇଥିଲା । ଅବସ୍ଥା ଗୁରୁତର ଥିବାରୁ ପ୍ରାଥମିକ ଚିକିତ୍ସା ପରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା ।