କାଳବୈଶାଖୀ ଯୋଗୁଁ ଗଛ ପଡି ରାସ୍ତା ଅବରୋଧ

ବୁଗୁଡ଼ା : ତା ୧୪/୦୬/୨୩ : କାଳବୈଶାଖୀ ଯୋଗୁଁ
ଆଜି ଅପରାହ୍ନରେ ବୁଗୁଡ଼ା-ପୋଲସରା ରାସ୍ତାର ଚଢେୟାପଲ୍ଲୀ ଠାରେ ଗଛ ପଡି ରାସ୍ତା ଅବରୋଧ ଯୋଗୁଁ ଦୀର୍ଘ ସମୟ ଧରି ଯାନବାହାନ ଚଳାଚଳ ଠପ୍ ହୋଇଯାଇଥିବା ଦେଖିବାକୁ ମିଳିଛି । ଆଜି ଅପରାହ୍ନରେ ପ୍ରବଳ ଝଡବର୍ଷାରେ ଚଢେୟାପଲ୍ଲୀ ଠାରେ ଏକ ବଡ ଗଛ ଭାଙ୍ଗିଯାଇ ରାସ୍ତା ଉପରେ ପଡିଯିବାରୁ ପ୍ରାୟ ତିନି ଘଣ୍ଟା ଧରି ବୁଗୁଡା-ପୋଲସରା ରାସ୍ତାରେ ଯାନବାହାନ ଚଳାଚଳ ବାଧାପ୍ରାପ୍ତ ହୋଇଥିଲା । ଉଭୟ ପଟରେ ବହୁ ଯାନବାହାନ ଅଟକି ରହିବା ଯୋଗୁଁ ସ୍ଥାନୀୟ ଲୋକେ ବାଧ୍ୟ ହୋଇ ଗଛକୁ କାଟିବା ସହ ଖବର ଦେବାରେ ଦମକଳବାହିନୀ ଘଟଣା ସ୍ଥଳରେ ପହଞ୍ଚି ଗଛକୁ କାଟି ରାସ୍ତା ଅବରୋଧ ହଟାଇବା ପରେ ଯାନବାହନ ଚଳାଚଳ ସ୍ବାଭାବିକ ହୋଇଥିଲା ।