ତ୍ରିଦିବସୀୟ ମହୋତ୍ସବରେ ଦୁଲୁକିବ ବୁଦ୍ଧଖୋଲ ପାଦଦେଶ…
ବୁଗୁଡ଼ା : ସ୍ଥାନୀୟ ବୁଦ୍ଧଖୋଲ ଉନ୍ନୟନ ସମିତି ପକ୍ଷରୁ ଜାନୁଆରୀ ୧୨ ତାରିଖରୁ ଲଗାତର ତିନି ଦିନ ଧରି ଆମ କଳା ସଂସ୍କୃତି ଐତିହ୍ୟ ଓ ପରମ୍ପରାକୁ ନେଇ ମହାସମାରୋହ ଏବଂ ବର୍ଣ୍ଣାଢ୍ୟ ପରିବେଶରେ ଆୟୋଜିତ ହେବାକୁ ଯାଉଥିବା ବୁଦ୍ଧଖୋଲ ମହୋତ୍ସବ-୨୦୨୪ ପାଇଁ ଅଞ୍ଚଳବାସୀ ଉତ୍କଣ୍ଠାର ସହ ଅପେକ୍ଷା କରିଥିବା ଜଣାଯାଇଛି । ଐତିହାସିକ ଶୈବପୀଠ ତଥା ପର୍ଯ୍ଯଟନ ସ୍ଥଳୀ ବୁଦ୍ଧଖୋଲ ପାଦଦେଶରେ ଆୟୋଜିତ ଉକ୍ତ ମହୋତ୍ସବ ଅବସରରେ ଓଡିଶାର ବହୁ ମାନ୍ୟଗଣ୍ୟ ବ୍ଯକ୍ତି , ପଦାଧିକାରୀ ତଥା ବିଶିଷ୍ଟ ବ୍ୟକ୍ତି ବିଶେଷଙ୍କ ଯୋଗଦାନ ସହ ରାଜ୍ୟ ଓ ଅନ୍ୟ ରାଜ୍ୟର ଖ୍ଯାତନାମା କଳାକାର , ସିନେ ତାରକା , ଓଲିଉଡ୍ ଗାୟକ , ଗଞ୍ଜାମ ଜିଲ୍ଲାର ପ୍ରତିଷ୍ଠିତ କଳାକାର ତଥା ଆଞ୍ଚଳିକ ଲୋକକଳା ପରିବେଷଣ କାର୍ଯ୍ୟକ୍ରମ ରହିଥିବା ଜଣାଯାଇଛି । ପ୍ରତି ବର୍ଷ ଭଳି ଏ ବର୍ଷ ମଧ୍ୟ କ଼ତି ଛାତ୍ରଛାତ୍ରୀ ଏବଂ ବିଭିନ୍ନ କ୍ଷେତ୍ରରେ ଉଲ୍ଲେଖନୀୟ ଅବଦାନ ପାଇଁ କିଛି ସଂସ୍ଥା ଓ ବ୍ଯକ୍ତି ବିଶେଷଙ୍କୁ ସମ୍ବର୍ଦ୍ଧିତ କରାଯିବାର ବ୍ୟବସ୍ଥା ରହିଥିବା ବେଳେ ଖ୍ଯାତନାମା କଳାକାରଙ୍କ ନୃତ୍ୟ ଓ ଗୀତରେ ବୁଦ୍ଧଖୋଲ ପାଦଦେଶ ଦୁଲୁକିବ ବୋଲି ସାଧାରଣରେ ଆଲୋଚନା ଜୋର ଧରିଛି ।
