ଅଞ୍ଚଳ ସ୍ତରୀୟ ଓଡ୍ର ଖଣ୍ଡାୟତ କାଳଞ୍ଜି ସମାଜର ବୈଠକ
ବୁଗୁଡ଼ା : ତା ୧୦/୧୧/୨୪ : ନିକଟସ୍ଥ ବେତାରସିଙ୍ଗି ଗ୍ରାମରେ ସଭାପତି ଗୌର ଚରଣ ପ୍ରଧାନଙ୍କ ପୌରହିତ୍ଯରେ ଓଡ୍ର ଖଣ୍ଡାୟତ କାଳଞ୍ଜି ସମାଜର ଅଞ୍ଚଳ ବୈଠକ ଅନୁଷ୍ଠିତ ହୋଇଯାଇଛି । ଏଥିରେ ୧୯ ଖଣ୍ଡ ଗ୍ରାମ କାଳଞ୍ଜି ସମାଜର କର୍ମକର୍ତ୍ତା ଯୋଗ ଦେଇଥିବା ବେଳେ ଏ ଅବସରରେ ସମାଜ ମଧ୍ୟରେ ଶୃଙ୍ଖଳା ଓ ଏକତା ରକ୍ଷା କରିବା ,ସମାଜର ଦଶମ,ଦ୍ଵାଦଶ ଏବଂ ସ୍ନାତକରେ ସମ୍ମାନର ସହ ସହ କୃତକାର୍ଯ୍ୟ ହୋଇଥିବା ଛାତ୍ରଛାତ୍ରୀଙ୍କୁ ଉତ୍ସାହିତ କରିବା ପାଇଁ ପୁରସ୍କୃତ କରିବା , ନିର୍ମାଣାଧନ ଅଞ୍ଚଳ କାର୍ଯ୍ୟାଳୟର ପୂର୍ଣ୍ଣାଙ୍ଗ ବିଷୟରେ ବିଶେଷ ଆଲୋଚନା କରାଯାଇଥିଲା । ଆଗାମୀ ଦିନରେ କାଳଞ୍ଜି ସମାଜ ଯେପରି ଏକ ଉନ୍ନତ, ସଂଗଠିତ, ଆଦର୍ଶ ସମାଜରେ ପରିଗଣିତ ହୋଇ ଖ୍ଯାତି ଅର୍ଜନ କରିବ ସେ ଦିଗରେ ଯତ୍ନବାନ ହେବାପାଇଁ ଯୁବ ସମାଜକୁ ଆହ୍ବାନ ଦିଆଯାଇଥିଲା । ଏଥି ସହ ସମାଜରେ ଥିବା ଅବହେଳିତ ଓ ଗରିବଙ୍କ କଲ୍ୟାଣ ସମ୍ପର୍କେ ବିଶେଷ ଆଲୋଚନା କରାଯାଇଥିଲା । ଏହି ବୈଠକରେ ଉପସଭାପତି ଗଙ୍ଗାଧର ବିଷୋୟୀ ,ସଂପାଦକ ଅମିକା ପ୍ରସାଦ ବିଷୋୟୀ, ସଂଗଠକ ଯୋଗୀ ନାହାକ, କୋଷାଧ୍ୟକ୍ଷ ସାଧୁ ଚରଣ ବିଷୋୟୀ, କେନ୍ଦ୍ର ସଂଗଠନ ସଂପାଦକ ଅନ୍ତର୍ଯ୍ୟାମୀ ସ୍ୱାଇଁ ,ଉପଦେଷ୍ଟା ଦଣ୍ଡପାଣି ପ୍ରଧାନଙ୍କ ସମେତ ବିଭିନ୍ନ ଗ୍ରାମ୍ଯ କମିଟି ଓ ମଣ୍ଡଳ କମିଟିର କମକର୍ତ୍ତା ଯୋଗ ଦେଇଥିଲେ । ପରିଶେଷରେ କଂଗ୍ରେସ ସାଇଁ ଧନ୍ୟବାଦ ଅର୍ପଣ କରିଥିଲେ ।
