ବୁଦ୍ଧଖୋଲରେ ମିଡିଆ କ୍ଲବର ସାଧାରଣ ବୈଠକ

ବୁଦ୍ଧଖୋଲରେ ମିଡିଆ କ୍ଲବର ସାଧାରଣ ବୈଠକ
ବୁଗୁଡ଼ା : ତା ୦୯/୦୭/୨୩ : ସ୍ଥାନୀୟ ମିଡିଆ କ୍ଲବର ଏକ ସାଧାରଣ ବୈଠକ ବୁଦ୍ଧଖୋଲ ପାଦଦେଶସ୍ଥ ଅତିଥି ଭବନ ପରିସରରେ ରବିବାର ଦିନ ଅନୁଷ୍ଠିତ ହୋଇଯାଇଛି। କ୍ଲବ ସଭାପତି ଅନିଲ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ବୈଠକରେ ପ୍ରଥମେ ଦିବଂଗତ ସାମ୍ବାଦିକ ଜଗନ୍ ମୋହନ ମହାପାତ୍ରଙ୍କ ଉଦ୍ଦେଶ୍ଯରେ ଦୁଇ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ଏ ଅବସରରେ ସାମ୍ବାଦିକଙ୍କ ସ୍ବାସ୍ଥ୍ୟ ବୀମା ପାଇଁ ନୂତନ ଅନ୍ ଲାଇନ୍ ପୋର୍ଟାଲ ଖୋଲା ଯାଇଥିବାରୁ ସରକାରଙ୍କ ଏହି ପଦକ୍ଷେପକୁ ସ୍ବାଗତ କରାଯିବା ସହ ଆବେଦନ ପ୍ରକ୍ରିୟା ସମ୍ପର୍କେ ଆଲୋଚନା କରାଯାଇଥିଲା । ଏଥି ସହ କ୍ଲବର ଆୟବ୍ଯୟର ହିସାବ ବିବରଣୀ ପଠନ ସହ ନୂତନ କୋଠାର ଅଗ୍ରଗତି ସଂପର୍କରେ ଆଲୋଚନା ହୋଇଥିଲା । ଦୁଇ ଜଣ ନୂତନ ସଦସ୍ୟଙ୍କୁ ସର୍ବସମ୍ମତି କ୍ରମେ ମିଡିଆ କ୍ଲବରେ ଗ୍ରହଣ କରାଯାଇଥିଲା । ବିଭିନ୍ନ ସମୟରେ ସାମ୍ବାଦିକଙ୍କୁ ଆକ୍ରମଣ କରାଯାଉଥିବା ଘଟଣାକୁ ଦୃଢ ନିନ୍ଦା କରାଯିବା ସହ ସାମ୍ବାଦିକ ସୁରକ୍ଷା ଆଇନ ପ୍ରଣୟନ ନିମନ୍ତେ ଦାବି କରାଯାଇଥିଲା । ଉକ୍ତ ବୈଠକରେ ଉପଦେଷ୍ଟା କାଳି ଚରଣ ଦାଶ , ଉପସଭାପତି ମନୋରଞ୍ଜନ ଦାଶ , ସମ୍ପାଦକ ପ୍ରଫୁଲ୍ଲ କୁମାର ପଟ୍ଟନାୟକ , ସହସଂପାଦକ ହର ପ୍ରସାଦ ପାଢୀ , କୋଷାଧ୍ୟକ୍ଷ ବିଶ୍ବ ମୋହନ ମିଶ୍ର , ସଦସ୍ୟ ଅଭୟ ପ୍ରସାଦ ପାଣିଗ୍ରାହୀ , ଏସ. ଶିବ ପ୍ରସାଦ ଦୋରା , ରାମ ନାରାୟଣ ପାଣିଗ୍ରାହୀ , ହର ପ୍ରସାଦ ମହାପାତ୍ର , ସଞ୍ଜୀବ କୁମାର ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ । ପରିଶେଷରେ ବୁଦ୍ଧଖୋଲ ଉନ୍ନୟନ ସମିତିର ସାଧାରଣ ସମ୍ପାଦକ ସୁରେଶ ଚନ୍ଦ୍ର ଦାଶ ଧନ୍ୟବାଦ ଅର୍ପଣ କରିଥିଲେ ।