ସାଧାରଣ ନିର୍ବାଚନ ଯେତିକି ପାଖଉଛି ପୁରୀ ରେ ନିର୍ବାଚନୀ ମାହୋଲ ସରଗରମ ହେବାରେ ଲାଗିଛି

                                     ସାଧାରଣ ନିର୍ବାଚନ ଯେତିକି ପାଖଉଛି ପୁରୀ ରେ ନିର୍ବାଚନୀ ମାହୋଲ ସରଗରମ ହେବାରେ ଲାଗିଛି । ଆଜି ପୁରୀ ଲୋକସଭା ସତ୍ୟବାଦୀ ନିର୍ବାଚନ ମଣ୍ଡଳୀର ଅନେକ ବିଜେଡି କର୍ମୀ ବିଜେପି ଲୋକସଭା ସାଂସଦ ପ୍ରାର୍ଥୀ ସମ୍ବିତ ପାତ୍ର ଓ ସତ୍ୟବାଦୀ ବିଧାୟକ ପ୍ରାର୍ଥୀ ଓମ୍ ପ୍ରକାଶ ମିଶ୍ରଙ୍କ ଉପସ୍ଥିତିରେ ବିଦ୍ଧିବଦ୍ଧ ଭାବେ ଭାରତୀୟ ଜନତା ପାର୍ଟିରେ ଯୋଗଦେଇଛନ୍ତି। ସତ୍ୟବାଦୀ ବ୍ଲକ୍,୩୩ ନମ୍ବର ଜୋନ୍ ର ପୂର୍ବତନ ଜିଲ୍ଲା ପରିଷଦ ତଥା ସତ୍ୟବାଦୀ ବ୍ଲକ ପୂର୍ବତନ ବ୍ଲକ ସଭାପତି ଧ୍ରୁବଚରଣ ଦାସ, ସତ୍ୟବାଦୀ ବ୍ଲକ ପୂର୍ବତନ ଅଧକ୍ଷାଙ୍କ ପ୍ରତିନିଧି ଶଙ୍କର ପ୍ରଧାନ, ଓ ଅନେକ କାର୍ଯ୍ୟକର୍ତା ବିଜୁ ଜନତା ଦଳ ପରିତ୍ୟାଗ କରି ଆଜି ଭାରତୀୟ ଜନତା ପାର୍ଟିରେ ଯୋଗ ଦେଇଛନ୍ତି l ସେହିପରି ରମେଶ ସାହୁ ଓଡିଶା ପ୍ରଗତି ଦଳ ର ରାଜ୍ୟ ସମ୍ପାଦକ ମଧ୍ୟ ବିଜେପି ରେ ସାମିଲ ହୋଇଛନ୍ତି l ସେପଟେ ଦଳ ପକ୍ଷରୁ ସମସ୍ତଙ୍କୁ ସ୍ୱାଗତ କରାଯାଇଥିବା ବେଳେ ଏହି ମିଶ୍ରଣ ଦଳକୁ ତୃଣମୂଳସ୍ତରରେ ଆହୁରି ସୁଦୃଢ଼ କରିବ ବୋଲି ମତ ପ୍ରକାଶ ପାଇଛି।
(ପୁରୀରୁ ରମେଶ ସାହୁଙ୍କ ରିପୋର୍ଟ)