ଦାରିଙ୍ଗବାଡ଼ିରେ ବ୍ଲକ ସ୍ତରୀୟ କ୍ରୀଡ଼ାଉତ୍ସବ ଉଦଘାଟିତ

ଦାରିଙ୍ଗବାଡ଼ିରେ ବ୍ଲକ ସ୍ତରୀୟ କ୍ରୀଡ଼ାଉତ୍ସବ ଉଦଘାଟିତ
ବ୍ରାହ୍ମଣୀଗାଁ ,୮/୯:କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକ ସ୍ତରୀୟ କ୍ରୀଡା ପ୍ରତି ଯୋଗିତା ଦାରିଙ୍ଗବାଡି ବ୍ଲକ ଅନ୍ତର୍ଗତ ଶ୍ରାନିକେତା ଉଚ୍ଚ ବିଦ୍ୟାଳୟ(୫ଟି) ଖେଳପଡିଆ ଠାରେ ଉଦଘାଟିତ ହୋଇଯାଇଛି । ମୁଖ୍ୟଅତିଥ୍ ଭାବେ ଶ୍ରାନିକେତା ସରପଞ୍ଚ ଗଙ୍ଗାଧର ପ୍ରଧାନ ଯୋଗ ଦେଇଥିବା ବେଳେ ସମ୍ମାନୀତ ଅତିଥିଭାବେ ଗୋଷ୍ଠୀ ଶିକ୍ଷା ଅଧିକାରୀ ତଥା ବ୍ଲକ କ୍ରୀଡ଼ା ସଭାପତି ରସାନନ୍ଦ କର , ସିମନବାଡ଼ି ସମିତି ସଭ୍ୟ ସାଧୁ ନାୟକ ଶ୍ରାନିକେତା ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ପ୍ରମୋଦ କୁମାର ସାହୁ ପ୍ରମୁଖ ଯୋଗ ଦେଇଥିଲେ l ଏହି ପ୍ରତିଯୋଗିତା ଦୁଇ ଦିନ ଧରି ଚାଲିବ ପ୍ରଥମ ଦିନରେ ବ୍ଳକର ୨୫ ଟି ପଞ୍ଚାୟତ ର ବିଭିନ୍ନ ଉଚ୍ଚବିଦ୍ୟାଳୟ ଓ ଉଚ୍ଚ ପ୍ରାଥମିକ ବିଦ୍ୟାଳୟ ୧୮୦ରୁ ଉର୍ଦ୍ଧ୍ବ ଜଣ ଛାତ୍ରଛାତ୍ରୀ ଯୋଗ ଦେଇ ପ୍ରତିଯୋଗିତାରେ ଭାଗ ନେଇଥିଲେ । ପ୍ରତିଯୋଗିତା ମଧ୍ୟରେ ୧୭ବର୍ଷ ରୁ କମ ଓ ୧୪ବର୍ଷ ରୁ କମ ବୟସ ଖୋ-ଖୋ ଛାତ୍ର ଛାତ୍ରୀ ,୧୭ବର୍ଷ ରୁ କମ ଓ ୧୪ବର୍ଷ ରୁ କମ କବାଡ଼ି,୧୦୦ଏବଂ୨୦୦ମିଟର ଦୌଡ଼,୧୭ବର୍ଷରୁ କମ ଚେସ ଓ ବ୍ୟାଟମିଣ୍ଟନ ଭଳି ବିଭିନ୍ନ ପ୍ରକାର ପ୍ରତିଯୋଗିତା ଉଭୟ ବାଳକ ଓ ବାଳିକା ବିଭାଗରେ ଅନୁଷ୍ଠିତ ହୋଇଥୁଲା । ପ୍ରଥମ ଦିନରେ ବିଜୟୀ ହୋଇଥିବା ପ୍ରତିଯୋଗୀ ଓ ଦଳ ମାନଙ୍କ ମଧ୍ୟରେ ଆସନ୍ତା କାଲି କ୍ରୀଡ଼ା ଉତ୍ସବ ର ଶେଷ ଦିବସରେ ଫାଇନାଲ ମ୍ୟାଚ ଅନୁଷ୍ଠିତ ହେବ l ଫାଇନାଲରେ ସଫଳତା ହାସଲ କରିବା ଛାତ୍ର ଛାତ୍ରୀ ମାନେ ଜିଲ୍ଲା ସ୍ତରୀୟ କ୍ରୀଡ଼ା ଖେଳିବା ପାଇଁ ମନୋନୀତ ହେବେ l ସିମନବାଡ଼ି ସରକାରୀ ଉଚ୍ଚବିଦ୍ୟାଳୟର କ୍ରୀଡ଼ା ଶିକ୍ଷକ ତଥା ବ୍ଲକ କ୍ରୀଡ଼ା ସମ୍ପାଦକ ସାମନ୍ତ କୁମାର ପ୍ରଧାନ କାର୍ଯ୍ୟକ୍ରମ ପରିଚାଳନା କରିଥିବା ବେଳେ ବିଭିନ୍ନ ବିଦ୍ୟାଳୟର କ୍ରୀଡା ଶିକ୍ଷକମାନେ ସହଯୋଗ କରିଥିଲେ ।(କନ୍ଧମାଳ ଜିଲ୍ଲା ବ୍ରାହ୍ମଣୀଗାଁ ରୁ ମନୋରଞ୍ଜନ ରଣା ଙ୍କ ରିପୋର୍ଟ)