ମା ଉଗ୍ରତାରା ବ୍ୟବସାୟୀ ସଂଘ ପକ୍ଷରୁ ପବିତ୍ର କାଳୀପୂଜାରେ ବଳିଆପଣ୍ଡା ସାହି ବାସିନ୍ଦାଙ୍କୁ କମଳ ବଣ୍ଟନ l

ମା ଉଗ୍ରତାରା ବ୍ୟବସାୟୀ ସଂଘର ସଭାପତି ଚକ୍ରଧର ମହାପାତ୍ରଙ୍କ ଅଧକ୍ଷତାରେ ପୁରୀ ବିଧବା ଆଶ୍ରମ ଛକନିକଟ କାଳୀପୂଜା ମଣ୍ଡପ ନିକଟରେ ପାଞ୍ଚଶହ ରୁ ଉର୍ଦ୍ଧ ବସ୍ତି ବାସିନ୍ଦାଙ୍କୁ ବିଧାୟକ ସୁନୀଲ ମହାନ୍ତି ମୁଖ୍ୟ ଅତିଥିଭାବେ ଯୋଗଦେଇ କମଳ ବାଣ୍ଟିଥିଲେ l ଏହି କାର୍ଯ୍ୟକ୍ରମ ରେ ବିଧାୟକ ସୁନୀଲ ମହାନ୍ତିଙ୍କ ସହିତ ପୁରୀ ମୁନିସିପାଲିଟି ର ପୂର୍ବତନ ଉପନଗରପାଳ ଏବଂ ବର୍ତମାନ ବିଜୁ ଜନତା ଦଳର ପୁରୀ ନଗର ସଭାପତି ସବ୍ୟସାଚୀ ମହାପାତ୍ର, ପୂର୍ବତନ କାଉଁସିଲର ପ୍ରଦୀପ୍ତ କୁମାର ନାୟକଙ୍କ ସହିତ ପୁରୀ ସହରର ବିଭିନ୍ନ ୱାର୍ଡ ର କାଉଁସିଲର, ଅର୍ବାନ କୋ ଅପରେଟିଭ ବ୍ୟାଙ୍କ ସଭାପତି ପ୍ରମୁଖ ମଞ୍ଚାସିନ ହୋଇ ବଳିଆପଣ୍ଡା ର ଅଳିଆ ଗଦା ଠାରୁ ଆରମ୍ଭ କରି ନାଳ ନର୍ଦମା ପର୍ଯ୍ୟନ୍ତ ବିଧାୟକ ସମସ୍ତ କାର୍ଯ୍ୟର ଉନ୍ନତି କରଣ ନିମନ୍ତେ ଆଲୋଚନା କରାଯାଇଥିଲା l ଏହାପରେ କରୋନା ସମୟରେ ସମସ୍ତ ବିପଦକୁ ସାମ୍ନାକରି ଜନସେବାରେ ନିଜକୁ ନିୟୋଜିତ କରିଥିବା ଡାକ୍ତର ଅନୁଭବ ପଟ୍ଟନାୟକଙ୍କୁ ସମ୍ବୋର୍ଦ୍ଧିତ କରାଯାଇଥିଲା l ଏହାପରେ ବସ୍ତିବାସିନ୍ଦାଙ୍କୁ ବିଧାୟକ ଙ୍କ ଦ୍ୱାରା କମଳ ବଣ୍ଟନ କରାଯାଇଥିଲା l ମହେଶ୍ୱର ନଗର ର ଅଳିଆଗଦା କୁ ତୁରନ୍ତ ସ୍ଥାନାନ୍ତରିତ କରାଯିବା ସହିତ ବଳିଆପଣ୍ଡା ବାସୀଙ୍କ ପାଇଁ ଏକ କଲ୍ୟାଣ ମଣ୍ଡପ ର ଆବଶ୍ୟକ ଥିବାରୁ ଏହା ଖୁବଶୀଘ୍ର କରାଯିବ ବୋଲି ବିଧାୟକ ସୁନୀଲ ମହାନ୍ତି ଗଣମାଧ୍ୟମ ଆଗରେ ପ୍ରତିଶୃତି ଦେଇଥିଲେ l ଏହି କାର୍ଯ୍ୟକ୍ରମ କୁ ଅନୁଷ୍ଠାନ ର ଉପଦେଷ୍ଟା ଜମ୍ବେଶ୍ୱର ମହାନ୍ତି ପରିଚାଳନା କରିଥିବା ବେଳେ ମଞ୍ଚ ପରିଚାଳନା କରିଥିଲେ ସଭାପତି ଚକ୍ରଧର ମହାପାତ୍ର l

ପୁରୀରୁ ରମେଶ ସାହୁଙ୍କ ରିପୋର୍ଟ