ପଣ୍ୟ କାରବାରରେ ଏକ ନମ୍ବର ବନ୍ଦର ଭାବେ ମାନ୍ୟତା ପାଇଛି ପାରାଦୀପ ବନ୍ଦର

ପଣ୍ୟ କାରବାର ରେ ସମସ୍ତ ମେଜର ପୋର୍ଟ କୁ ପଛରେ ପକାଇ ଦ୍ବିତୀୟ ଥର ପାଇଁଁ ଏକ ନମ୍ବର ମେଜର ପୋର୍ଟ ର ମାନ୍ୟତା ହାସଲ କରିଛି ପାରାଦ୍ଵୀପ ବନ୍ଦର l ଚଳିତ ଆର୍ଥିକ ବର୍ଷରେ ପାରାଦ୍ଵୀପ ବନ୍ଦର ପ୍ରଥମ ଥର ପାଇଁଁ ରେକର୍ଡ ୧୫୦.୪୧ ମିଲିୟନ ମେଟ୍ରିକ୍ ଟନ୍ ପଣ୍ୟ କାରବାର କରି ପୁଣି ଥରେ ଏକ ନମ୍ବର ବନ୍ଦର ର ମାନ୍ୟତା ହାସଲ କରିଛି l ରେଲୱେ ପରିବହନରେ ପାରାଦ୍ଵୀପ ବନ୍ଦର ୨୨,୮୦୦ ରେକ୍ ପରିବହନ କରିଥିବା ବେଳେ ଚଳିତ ଆର୍ଥିକ ବର୍ଷରେ ୧୦୦% କଣ୍ଟେନର କାର୍ଗୋ ପରିବହନ କରିଛି l ସେହିପରି ବର୍ଥ ପରିବହନରେ ମଧ୍ୟ ପାରାଦ୍ଵୀପ ବନ୍ଦର ଭାରତର ନମ୍ବର ଓ୍ବାନ୍ ବନ୍ଦର ର ମାନ୍ୟତା ହାସଲ କରିଛି l ଏହାଛଡା କୋଷ୍ଟାଲ ପରିବହନରେ ମଧ୍ୟ ସବୁଠାରୁ ଅଧିକ ପରିବହନ କରିଛି ପାରାଦ୍ଵୀପ ବନ୍ଦର l ଆସନ୍ତା ୨୦୨୯ ସୁଦ୍ଧା ପାରାଦ୍ଵୀପ ବନ୍ଦର ବାର୍ଷିକ ୩୦୦ ମିଲିୟନ ମେଟ୍ରିକ୍ ଟନ୍ କ୍ଷମତା ବିଶିଷ୍ଟ ହେବାକୁ ଲକ୍ଷ୍ୟ ରଖାଯାଇଛି l ଏଥିପାଇଁ ଏକ ନୂତନ ବର୍ଥ ସହିତ ୪ ଟି ବର୍ଥ କୁ ଛାଡି ସମସ୍ତ ବର୍ଥ ଗୁଡ଼ିକୁ ମେକାନାଇଜ କରିବାପାଇଁ କାର୍ଯ୍ୟ ଆରମ୍ଭ କରାଯାଇଛି l ଏହି ସଫଳତା ପାଇଁ ବନ୍ଦର ଅଧ୍ୟକ୍ଷ ପି ଏଲ ହାରାନାଦ ପାରାଦ୍ଵୀପ ବନ୍ଦର ର ସମସ୍ତ କର୍ମଚାରୀ , ଷ୍ଟକ୍ ହୋଲ୍ଡର , ଷ୍ଟିଭେଡୋର ସଂସ୍ଥା, ରାଜ୍ୟ ଓ କେନ୍ଦ୍ର ସରକାର ଙ୍କ ସହଯୋଗ ଯୋଗୁଁ ସମ୍ଭବ ହୋଇଥିବା ପ୍ରକାଶ କରିବା ସହିତ ସମସ୍ତଙ୍କୁ ଧନ୍ୟବାଦ ଜଣାଇଛନ୍ତି l ବନ୍ଦର ର କନଫରେନ୍ସ ହଲରେ ବନ୍ଦର ର ସମସ୍ତ ବିଭାଗ ର ଅଧିକାରୀ ଙ୍କ ଉପସ୍ଥିତିରେ କେକ୍ କାଟି ଉତ୍ସବ ପାଳନ କରିଥିଲେ l (ପାରାଦୀପ ରୁ ଦେବାଶିଷ ପାଣିଙ୍କ ରିପୋର୍ଟ ଉପାନ୍ତ ଖବର )