ଜଙ୍ଗଲ ରେ ଲାଗିଲା ନିଆଁ, ଜଳୁଛି ବହୁ ମୂଲ୍ୟବାନ ଗଛ ଏବଂ ଚାରା

ସାନଖେମୁଣ୍ଡି :- ଜଙ୍ଗଲ ରେ ଲାଗିଛି ନିଆଁ ଏବଂ ଏହି ନିଆଁ ର ଆଁ ମଧ୍ୟରେ ବହୁ ମୂଲ୍ୟବାନ ଗଛ ଓ ଚାରାଗଛ ସବୁ ଜଳିପୋଡି ପାଉଁଶ ହୋଇଗଲା । ଦିଗପହଣ୍ଡି ଅଗ୍ନିଶମ ବାହିନୀର ଅଧିକାରୀ ପ୍ରଫୁଲ୍ଲ କୁମାର ବେହେରା, ସାନଖେମୁଣ୍ଡି ବନଅଧିକାରୀ ଅରୁଣ ଚନ୍ଦ୍ର ଦାସ ଓ ବନବିଭାଗ କର୍ମଚାରୀ ମାନେ ପହଞ୍ଚି ନିଆଁ କୁ ଯଥା ସମ୍ଭବ ଆୟତ୍ତ କରିଛନ୍ତି । ଜଙ୍ଗଲ ର ବିରାଟକାୟ ଏରିଆରେ ଏହି ନିଆଁ ବ୍ୟାପୀ ଥିବାରୁ ନିଆଁ କୁ ଆୟତ୍ତ କରିବା ଅଗ୍ନିଶମ ବାହିନୀ ପାଇଁ ମୁସ୍କିଲ ହୋଇଥିଲା କିନ୍ତୁ ବିଳମ୍ବ ହେଲେ ମଧ୍ୟ ପାଣି ସ୍ପ୍ରେ କରି ନିଆ କୁ ଆୟତ୍ତ କରିପାରିଲେ । ଗଞ୍ଜାମ ଜିଲ୍ଲାର ସାନଖେମୁଣ୍ଡି ବ୍ଲକ ଅନ୍ତର୍ଗତ ସବ ଜେଲ ନିକଟ ସାପୁଆ ପାହାଡ଼ ଜଙ୍ଗଲ ରେ ଲାଗିଲା ନିଆଁ । ନିଆଁ କିଭଳି ଲାଗିଲା ତାହା ଏଯାଏଁ ସ୍ପଷ୍ଟ ହୋଇନାହିଁ । ଅଗ୍ନିଶମ ବାହିନୀ , ବନ ବିଭାଗ କର୍ମଚାରୀ, ପୋଲିସ ଏବଂ ସ୍ଥାନୀୟ ଯୁବଗୋଷ୍ଠୀ ଙ୍କ ଦ୍ଵାରା ନିଆଁ ଲିଭା କାର୍ଯ୍ୟ ହୋଇଥିଲା ।

ନିଆଁ କିଏ ଲଗାଇଲା , କିଭଳି ଲାଗିଲା ତାହା ତଦନ୍ତ ପରେ ସ୍ପଷ୍ଟ ହେବ । ଦିଗପହଣ୍ଡି ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିବା ପାଇଁ ଚେଷ୍ଟା ଚଳାଇଛନ୍ତି l ବହୁତ ଚେଷ୍ଟା ପରେ ନିଆଁକୁ ଆୟତ୍ତ କରାଯାଇପାରିଛି l କେଉଁ କାରଣରୁ ନିଆଁ ଲାଗିଛି ତାହା ଅସ୍ଵଷ୍ଟ ହେଉଅଛି । ସାନଖେମୁଣ୍ଡି ରୁ ବିଜୟ କୁମାର ପ୍ରଧାନ ଙ୍କ ରିପୋର୍ଟ ନିଉସ୍ ଉପାନ୍ତ ଓଡିଶା