ବୁଗୁଡା ବ୍ଳକରେ ବିକଶିତ ଭାରତ ସଂକଳ୍ପ ଯାତ୍ରା ଉଦଯାପିତ ….

ବୁଗୁଡା :  ବୁଗୁଡା ବ୍ଳକରେ ବିକଶିତ ଭାରତ ସଂକଳ୍ପ ରଥ କାର୍ଯ୍ୟକ୍ରମ କରସିଙ୍ଗି ପଞ୍ଚାୟତ ଠାରେ ଉଦଯାପିତ ହୋଇଯାଇଛି । କେନ୍ଦ୍ର ସରକାରଙ୍କ ବିଭିନ୍ନ ଜନହିତକର ଯୋଜନା ବିଷୟରେ ଲୋକଙ୍କୁ ଅବଗତ କରାଇବାପାଇଁ ଦେଶ ସାରା ବିକଶିତ ଭାରତ ସଂକଳ୍ପ ରାଥ କାର୍ଯ୍ୟକ୍ରମ ଚାଲୁରହିଥିବା ବେଳେ ବୁଗୁଡା ବ୍ଳକର ୨୧ ଗୋଟି ପଞ୍ଚାୟତରେ ଦୀର୍ଘ ୧୧ ଦିନ ଧରି ଜିପିଓ ମନୋଜ କୁମାର ସାହୁଙ୍କ ତତ୍ୱାବଧାନରେ ଆୟୋଜିତ ହୋଇଆସୁଥିଲା । ତେବେ ଆଜି ଶେଷ ଦିନରେ କରସିଙ୍ଗି ପଞ୍ଚାୟତଠାରେ ସଂକଳ୍ପ ରଥକୁ ଭବ୍ୟ ସ୍ୱାଗତ ସମ୍ବର୍ଦ୍ଧନା ଦେଇ ପାଛୋଟି ନେଇଥିଲେ । କେନ୍ଦ୍ର ସରକାରଙ୍କ ପକ୍ଷରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦ୍ବାରା ନିଆଯାଇଥିବା ବିଭିନ୍ନ ଜନହିତକର ଯୋଜନା ବିଷୟରେ ଜନସାଧାରଣଙ୍କୁ ଅବଗତ କରାଇବା ସହିତ ଏହାର ଲାଭ ନେବାକୁ ସଚେତନତା କରାଯାଇଥିଲା । ଏଥିରେ ବିଭିନ୍ନ ବିଦ୍ୟାଳୟର ଛାତ୍ରଛାତ୍ରୀମାନେ ନିଜର ପ୍ରତିଭା ପ୍ରଦର୍ଶନ କରି ପୁରସ୍କୃତ ହୋଇଥିଲେ । ଉକ୍ତ କାର୍ଯ୍ୟକ୍ରମରେ ଗ୍ରାମପଞ୍ଚାୟତ ଉନ୍ନୟନ ଅଧିକାରୀ ଲଚ୍ଛମନ କହଁର,ପଞ୍ଚାୟତ ଅଧିକାରୀ ବାଳକୃଷ୍ଣ ଜେନା,କରସିଙ୍ଗି ସରପଞ୍ଚ ଜ୍ୟୋସ୍ନା ରାଣୀ ବିଶ୍ଵାଳ, ସମିତି ସଭ୍ୟ ଚିକୁ ବାରିକ,ବିଜେପି ଘୁମୁସର ସାଙ୍ଗଠନିକ ଜିଲ୍ଲା ସଭାପତି ଗୋକୁଳାନନ୍ଦ ମଳିକ ଉପସ୍ଥିତ ହୋଇଥିବା ବେଳେ ଗ୍ରାମରୋଜଗାର ସେବକ ଗୌର ପ୍ରଧାନ ଓ ଶଙ୍କର୍ଷଣ ମଲ୍ଲିକ, ସ୍ୱଚ୍ଛ ଭାରତ ମିଶନର ନୃସିଂହ ଚରଣ ଦାସ ପ୍ରମୁଖ ଉପସ୍ଥିତ ରହି କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ବିଷୟରେ ଲୋକଙ୍କୁ ସଚେତନ କରାଇଥିଲେ । ଏଥିରେ ଏଏନ୍ଏମ୍, ଅଙ୍ଗନବାଡ଼ି, ଏମବିକେ ତଥା ମହିଳା ଗୋଷ୍ଠୀ ସମୂହ ଉପସ୍ଥିତ ରହି ପରିଚାଳନାରେ ସହଯୋଗ କରିଥିଲେ।