ଗଜପତି:- ବିଶ୍ଵ କର୍କଟ ଦିବସ ପାଳନ ଅବସରରେ “ପ୍ରଗତି ମହିଳା ସଂଗଠନ ଏବଂ ଜଗନ୍ନାଥ ମନ୍ଦିର କମିଟି ମିଳିତରେ ସଚେତନତା କାର୍ଯ୍ୟକ୍ରମ ଅନୁଷ୍ଠିତ

ବିଶ୍ଵ କର୍କଟ ଦିବସ ପାଳନ ଅବସରରେ ଆଜି “ପ୍ରଗତି ମହିଳା ସଂଗଠନ” ଏବଂ ଜଗନ୍ନାଥ ମନ୍ଦିର କମିଟି’ର ମିଳିତ ରେ ପାରଳାଖେମୁଣ୍ଡି ସ୍ଥିତ ଜଗନ୍ନାଥ ମନ୍ଦିର ନିକଟରେ ଅନୁଷ୍ଠିତ ହୋଇଯାଇଛି ।

ଏହି ଅବସରରେ ପ୍ରଗତି ମହିଳା ସଂଗଠନ” ର ଉପସଭାପତି ଶ୍ରୀ ଲୋକନାଥ ମିଶ୍ର’ଙ୍କ ଅଧ୍ୟକ୍ଷତାରେ ଏକ ସଚେତନା କାର୍ଯ୍ୟକ୍ରମରେ ସ୍ଥାନୀୟ ଜଗନ୍ନାଥ ମନ୍ଦିର ପରିସରରୁ ଏକ ସଚେତନତା ଶୋଭାଯାତ୍ରା ବାହାରି ସ୍ଥାନୀୟ ମହାରାଜାଙ୍କ ପ୍ୟାଲେସ ପର୍ଯ୍ୟନ୍ତ ଯାଇଥିଲା ।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପବ୍ଲିକ ପ୍ରୋସିକ୍ୟୁଟର ଶ୍ରୀ ରାଜେଶ୍ କୁମାର ମିଶ୍ର ଯୋଗଦେଇ କର୍କଟ ରୋଗର ପ୍ରମୁଖ କାରଣ ଏବଂ ପ୍ରତିରୋଧର ଉପାୟ ଗୁଡିକ ଉପରେ କହି ଆମେ ବ୍ୟକ୍ତିଗତ ଓ ସାମୁହିକ ସ୍ତରରେ ପ୍ରୟାସ ଜାରୀ ରଖି କର୍କଟ ରୋଗ ମୁକ୍ତ ଭବିଷ୍ୟତ ଗଠନ ପାଇଁ ପ୍ରତିଜ୍ଞାବଦ୍ଧ ହେବାକୁ ଆହ୍ବାନ କରିଥିଲେ।

ସେହିଭଳି ବିନୋଦିନୀ ବିଜ୍ଞାନ କଲେଜ୍ ଅଧ୍ୟକ୍ଷ ଶ୍ରୀ ମନୋଜ କୁମାର ପଟ୍ଟନାୟକ , ଜଗନ୍ନାଥ ମନ୍ଦିର କମିଟି ସଦସ୍ୟ ଶ୍ରୀ ଦୁର୍ଗା ମାଧବ ପାଣିଗ୍ରାହୀ , ପ୍ରଗତି ମହିଳା ସଂଗଠନର ଉପଦେଷ୍ଟା ଶ୍ରୀ ବିଚିତ୍ରା ନନ୍ଦ ବେବର୍ତ୍ତା ଓ ଶ୍ରୀ ହରି ମୋହନ ପଟ୍ଟନାୟକ , ସଂଗଠନର ସମ୍ପାଦିକା ଶ୍ରୀମତୀ ତନୂଜା ଶତପଥୀ , ଶ୍ରୀମତୀ ମାନସୀ ପଣ୍ଡା , ପ୍ରଫୁଲ୍ଲ କୁମାରୀ ବେବର୍ତ୍ତା , ଶ୍ରୀ ମୁରଲୀ ପରିଛା ପ୍ରମୁଖ ଯୋଗଦେଇ , ତମାଖୁ ସେବନ , ମଦ୍ୟପାନ , ସିଗାରେଟ ପ୍ରଭୃତି ସ୍ବାସ୍ଥ୍ୟ ପାଇଁ କେତେ ହାନିକାରକ ଏବଂ ଏହା କିଭଳି ଓ କେଉଁ ଠାରେ ସଂକ୍ରମିତ କରିଥାଏ ସେ ସମ୍ପର୍କରେ ଉପସ୍ଥିତ ସମସ୍ତଙ୍କୁ ସଚେତନ କରାଇ ସୁସ୍ଥ ସମାଜ ଗଢ଼ିବା ପାଇଁ କର୍କଟ ରୋଗ ଠାରୁ ଦୂରେଇ ରହିବାକୁ କହିଥିଲେ ।

ଶେଷରେ ଶ୍ରୀ ମୁରଲୀ ଧର ପରିଛା ଉପସ୍ଥିତ ସମସ୍ତଙ୍କୁ ଧନ୍ୟବାଦ୍ ଅର୍ପଣ କରିଥିଲେ ।

——————————————–

ଗଣେଶ କୁମାର ରାଜୁ

ପାରଳାଖେମୁଣ୍ଡି (ଗଜପତି)

——————————————–