ବାକିଟଙ୍କା ମାଗିବାକୁ କେନ୍ଦ୍ରକରି ମାରପିଟ୍ ..
ବାଲେଶ୍ବର ( ଦେବାଶିଷ ଦାଶ )
ଦୁଇ ପରିବାର ମଧ୍ୟରେ ମାରପିଟ୍ ରେ ୨ ମହିଳାଙ୍କ ସମେତ ୭ ଗୁରୁତର ଆହତ ।
ବାକି ଟଙ୍କା ମାଗିବାକୁ ନେଇ ଉଭୟ ଗୋଷ୍ଠୀ ମଧ୍ୟରେ ତୁମୁଳ କାଣ୍ଡ ହଣାକଟା ହୋଇ ୨ ମହିଳାଙ୍କ ସମେତ ୭ ଜଣ ଗୁରୁତର ହୋଇଥିବା ଦେଖିବାକୁ ମିଳିଛି । ସମସ୍ତ ଗୁରୁତର ଙ୍କୁ ପ୍ରଥମେ ବସ୍ତା ପରେ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାତରିତ କରାଯାଇଥିବା ଜଣାଯାଇଛି । ଏଭଳି ଅଭାବନୀୟ ଘଟଣା ଘଟିଛି ବାଲେଶ୍ବର ଜିଲ୍ଲା ବସ୍ତା ଥାନା ବାହର୍ଦ୍ଦା ବସ୍ତିରେ ।
ସୂଚନା ଅନୁସାରେ ବାହାର୍ବ୍ଦା ବସ୍ତିର ସେକ ରମଜାନ ଓ ସେକ ସୁରାଜ ପରିବାର ଲୋକଙ୍କ ମଧ୍ୟରେ ସନ୍ଧ୍ୟା ସମୟରେ ଗାନ୍ଧିଛକ ଠାରେ ବକେୟା ଆଠ ହଜାର ଟଙ୍କା ମାଗିବାକୁ ନେଇ ପାଟିତୁଣ୍ଡ ହୋଇଥିଲା । ପରେ ଘଟଣାସ୍ଥଳରେ ପୋଲିସ ପହଞ୍ଚି ଉଭୟଙ୍କ ମଧ୍ୟରେ ଉପୁଜିଥିବା ଗୋଣ୍ଡଗଳ କୁ ସମାଧାନ କରି ସମସ୍ତ ଙ୍କୁ ଘରକୁ
ପଠାଇଥିଲା । ମାତ୍ର ଏହି ଘଟଣାକୁ କେନ୍ଦ୍ର କରି ଗ୍ରାମରେ ପୁଣି ଉଭୟ ଙ୍କ ମଧ୍ୟରେ ପ୍ରଥମେ ବଚସା ପରେ ଏହା ଉଗ୍ରରୂପ ଧାରଣ କରି ମାରପିଟ୍ ଓ ହଣାକଟା ହୋଇଥିଲା । ଏହି ହଣାକଟା ରେ ଉଭୟ ପକ୍ଷରୁ ସେକ କବିର,ସେକ ସୁରାଜ,ସେକ ରମଜାନ,ସେକ ନୌସାଦ,ସେକ ଜାଫିର,ସେକ ଆଇନୁର୍ଦ୍ଦିନ,ସେକ ନଜୀମୁଦ୍ଦିଁନ,ସେକ ଫିରୋଜ,ସେକ ଆଇସାନ ଙ୍କ ସହିତ ଦୁଇ ମହିଳା ଗୁରୁତର ଆହତ ହୋଇଥିଲେ । ସମସ୍ତ ଗୁରୁତରଙ୍କୁ ସ୍ଥାନୀୟ ଲୋକେ ବସ୍ତା ଡାକ୍ତରଖାନା କୁ ନେଇଥିବା ବେଳେ ଗୁରୁତର ଙ୍କ ମଧ୍ୟରୁ ନଅ ଜଣଙ୍କ ଅବସ୍ଥା ସଙ୍କଟାପନ୍ନ ହେବାରୁ ତାଙ୍କୁ ବାଲେଶ୍ୱର ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନତରିତ କରାଯାଇଛି । ଖବରପାଇ ପୋଲିସ ଘଟଣାସ୍ଥଳରେ ପହଂଚି ଘଟଣାର ତଦନ୍ତ ଚଳାଇଥିବା ଜଣାଯାଇଛି ।
