ଏଲପିଜି ସିଲିଣ୍ଡର ସହ ଅଗ୍ନି ନିରାପତ୍ତା ସଚେତନତା ଶିବିର 

ବୁଗୁଡା : ତା ୦୩/୦୨/୨୩ : ବୁଗୁଡା ଦମକଳ କେନ୍ଦ୍ର କାର୍ଯ୍ୟାଳୟ ପରିସରରେ ଗୁରୁବାର ଓ ଶୁକ୍ରବାର ଦୁଇ ଦିନ ଧରି ଏଲପିଜି ସିଲିଣ୍ଡର ସହ ଅଗ୍ନି ନିରାପତ୍ତା ସଚେତନତା ଶିବିର ଅନୁଷ୍ଠିତ ହୋଇଯାଇଛି। ସ୍ଥାନୀୟ ସମନ୍ବିତ ଶିଶୁ ବିକାଶ ପ୍ରକଳ୍ପ ଅଧିକାରୀ କୁନ୍ତଳା କୁମାରୀ ନାୟକଙ୍କ ନିର୍ଦ୍ଦେଶରେ ବୁଗୁଡା ବ୍ଳକର ସମସ୍ତ ଅଙ୍ଗନାବାଡି କର୍ମୀ ଓ ସହାୟିକା ମାନଙ୍କୁ ଅଗ୍ନିଶମ ବିଭାଗ ଅଧିକାରୀ ସଞ କୁମାର ରାଉତ ଏବଂ ଅନ୍ୟ କର୍ମଚାରୀମାନେ ଉପସ୍ଥିତ ରହି କେନ୍ଦ୍ରଗୁଡିକରେ ରନ୍ଧନ ସକାଶେ ସୁଚାରୁ ରୂପେ ଏଲପିଜି ସିଲିଣ୍ଡର ଗ୍ଯାସର ବ୍ଯବହାର ଓ ସୁପରିଚାଳନା ସହ ଅଗ୍ନି ନିରାପତ୍ତା ସଚେତନତା ବିଷୟରେ ପ୍ରାକ୍ଟିକାଲ ପ୍ରଣାଳୀ ମାଧ୍ୟମରେ ତାଲିମ ପ୍ରଦାନ କରିଥିଲେ।  ଉକ୍ତ କାର୍ଯ୍ୟକ୍ରମରେ ୪୫୦ ଜଣ ଅଙ୍ଗନାବାଡି କର୍ମୀ ଓ ସହାୟିକାଙ୍କ ସହ ସମସ୍ତ  ଅଞ୍ଚଳ ପରିଦର୍ଶିକା ଯୋଗ ଦେଇଥିଲେ।