କୋରାପୁଟ ଜିଲ୍ଲାରେ ନୂତନ ଜିଲ୍ଲାପାଳଙ୍କ କାର୍ଯଭାର ଗ୍ରହଣ…

କୋରାପୁଟ, କୋରାପୁଟ ଜିଲ୍ଲାପାଳ ଭାବେ ଭି .କୀର୍ତ୍ତି ଭାସନ ବୁଧବାର ଦିନ ଭାରପ୍ରାପ୍ତ ଜିଲ୍ଲାପାଳ ତଥା ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନଙ୍କ ଠାରୁ ସେ ନୂତନ ଭାବେ କୋରାପୁଟ ଜିଲ୍ଲାର ଜିଲ୍ଲାପାଳ ଦାୟିତ୍ୱ ଗ୍ରହଣ କରିଛନ୍ତି। ଦାୟିତ୍ଵ ନେବା ପରେ ପ୍ରଥମେ ସ୍ବାସ୍ଥ୍ୟ ସେବା ପ୍ରତି ଗୁରୁତ୍ବ ଦେଇଛନ୍ତି। ସେ କୋରାପୁଟ ଜିଲ୍ଲା ମୁଖ୍ୟ ଚିକିତ୍ସାଳୟ ଜୟପୁରକୁ ଗସ୍ତ କରି ରୋଗୀଙ୍କ ସହ ସାକ୍ଷାତ କରି ରୋଗୀଙ୍କ ସ୍ବାସ୍ଥ୍ୟ ଅବସ୍ଥା ପଚାରି ବୁଝିଥିଲେ। ଏଥି ସହିତ ଚିକିତ୍ସାଳୟ ର ପ୍ରତ୍ୟେକ ୱାର୍ଡକୁ ପରିଦର୍ଶନ କରି ସମସ୍ତ ବିଭାଗୀୟ ଡାକ୍ତର ଏବଂ ମେଡିକାଲ କର୍ତ୍ତୃପକ୍ଷଙ୍କୁ ସାକ୍ଷାତ କରି ଚିକିତ୍ସାଳୟରେ କିଭଳି ଭାବେ ରୋଗୀଙ୍କ ସ୍ବାସ୍ଥ୍ୟ ଅବସ୍ଥା ପ୍ରତି ଗୁରୁତ୍ୱାରୋପ ଦିଆଯାଉଛି ସେହି ବିଷୟରେ ଆଲୋଚନା କରିଥିଲେ। ନବ ନିଯୁକ୍ତ ଜିଲ୍ଲାପାଳ ୨୦୧୮ ବ୍ୟାଚ୍ ଭାରତୀୟ ପ୍ରଶାସନିକ ଅଧିକାରୀ ଭି. କୀର୍ତ୍ତି ଭାସନ ପୂର୍ବରୁ ଗଞ୍ଜାମ ଜିଲ୍ଲା ପରିଷଦ ମୁଖ୍ୟ ଉନ୍ନୟନ ଅଧିକାରୀ ତଥା ନିର୍ବାହୀ ଅଧିକାରୀ ଭାବେ ପୁର୍ବରୁ କାର୍ଯ୍ୟରତ ରହି ନିଜର ଅଭିଜ୍ଞତା ଏବଂ ସୁଶାସନ ବ୍ୟବସ୍ଥା ଅତି ଗୁରୁତ୍ବପୂର୍ଣ୍ଣ ଭାବେ ନିଜ ଦାୟିତ୍ୱ ତୁଲାଇ ଆସିଛନ୍ତି ଏଭଳି ଜଣେ ଦକ୍ଷ ପ୍ରଶାସନିକ ଅଧିକାରୀଙ୍କୁ କୋରାପୁଟ ଜିଲ୍ଲାପାଳ ଭାବେ ଦାୟିତ୍ଵ ମିଳିଥିବା ହେତୁ ଜିଲ୍ଲାର ବିଭିନ୍ନ ବିଭାଗର ଜିଲ୍ଲା ସ୍ତରୀୟ ଅଧିକାରୀ, ବିଡିଓ ଏବଂ ତହସିଲଦାର ମାନେ ନୂତନ ଜିଲାପାଳଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ କରିଥିଲେ ।
(କୋରାପୁଟ ଜିଲ୍ଲା ପ୍ରତିନିଧି
ହରିଶ୍ ପଟ୍ଟନାୟକଙ୍କ ରିପୋର୍ଟ)