ବେଆଇନ ଜୁଆ ଖେଳ ଉପରେ ପୁଲିସର ଚଢ଼ାଉ ରଥ ପଡିଆ ମିନାବଜାରରେ ଚାଲିଥିଲା ବେଆଇନ କାର୍ଯ୍ୟ

ଗୁଣୁପୁର,-(ସୁରେନ୍ଦ୍ର ମହାନ୍ତି )ରଥଯାତ୍ରା ଅବସରରେ ରାୟଗଡା ଜିଲ୍ଲା ଗୁଣୁପୁର ଠାରେ ମନରଞ୍ଜନ ଓ ବାଣିଜ୍ୟ ମେଳା ଉପଲକ୍ଷେ ମିନାବଜାର ଆୟୋଜନ କରାଯାଇଛି । ତେବେ ଏହାରି ଭିତରେ କିଛି ବେଆଇନ କାର୍ଯ୍ୟ କଳାପ ଚାଲିଥିବା ନଜରକୁ ଆସିବା ପରେ ଗୁଣୁପୁର ପୁଲିସ ଆଜି ଅତର୍କିତ ଚଢ଼ାଉ କରି ଏହାକୁ ହଟେଇ ଦେଇଛି । ବେଆଇନ ଭାବେ ଜୁଆଖେଳ, ତୀର ମରା ଭଳି ଖେଳ ଚାଲୁଥିବାରୁ ଏଠାରେ ଅସାମାଜିକ,ମଦ୍ୟପ ଙ୍କ ଗହଳି ବେଶ ଜମୁଥିବା ରୁ ନାନା ବିଶୃଙ୍ଖଳା ପରିସ୍ଥିତି ସୃଷ୍ଟି ହେଉଥିଲା । ଏକ ଆଧ୍ୟାତ୍ମିକ ପରିବେଶରେ ଏଭଳି ବେଆଇନ କାର୍ଯ୍ୟ କୁ ନେଇ ଶ୍ରଦ୍ଧାଳୁ ଙ୍କ ମଧ୍ୟରେ ଅସନ୍ତୋଷ ଦେଖା ଦେଇଥିଲା । ଆଜି ପୁଲିସ ଚଢ଼ାଉ କରି ଏସବୁ ଖେଳ ରେ ବ୍ୟବହୃତ ସାମଗ୍ରୀ ଜବତ କରିବା ସହ ସମ୍ପୂର୍ଣ୍ଣ ଯାତ୍ରା ଉପରେ କଡା ନଜର ରଖାଯାଇଛି ।