ରଥପଥ ପ୍ରସ୍ତୁତ ଅପେକ୍ଷା ମହାବାହୁ ଙ୍କୁ
ରଥପଥ ପ୍ରସ୍ତୁତ ଅପେକ୍ଷା ମହାବାହୁ ଙ୍କୁ
ଗୁଣୁପୁର ,-(ସୁରେନ୍ଦ୍ର ମହାନ୍ତି )ଚଳିତ ବର୍ଷ ରାୟଗଡା ଜିଲ୍ଲା ଗୁଣୁପୁର ରେ ନିଆରା ରଥଯାତ୍ରା ଦେଖିବାକୁ ମିଳିବ । ଏଥିପାଇଁ ସବୁ ପ୍ରକାର ପ୍ରସ୍ତୁତି ଚୂଡାନ୍ତ ପର୍ଯ୍ୟାୟରେ ପହଞ୍ଚିଛି । ରଥ ଦ୍ବୟ ପ୍ରସ୍ତୁତି ଶେଷ ହୋଇଛି । ଗୁଣୁପୁର ବଡଦାଣ୍ଡ କୁ ଶ୍ରୀକ୍ଷେତ୍ର ପୁରୀ ଢାଞ୍ଚାରେ ରଙ୍ଗବେରଙ୍ଗ ର ଝୋଟି ଚିତା ରେ ସୁସଜ୍ଜିତ କରାଯାଇଛି । ସେହିଭଳି ପୁରୀ ଭଳି ଘଣ୍ଟ ଘଣ୍ଟା କାହାଳୀ ବଜେଇବା ପାଇଁ ସେବାୟତ ମାନେ ତାଲିମ ନେଇଛନ୍ତି । ଏକ ଆଧ୍ୟାତ୍ମିକ ପରିବେଶ ମଧ୍ୟରେ ଆସନ୍ତା କାଲି ଶ୍ରୀଜୀଉଙ୍କ ସମସ୍ତ ନୀତିକାନ୍ତି ପରିଚାଳିତ ହେବ । ଶ୍ରଦ୍ଧାଳୁମାନେ ଏକ ନୂଆ ଆଧ୍ୟାତ୍ମିକ ଅନୁଭୂତି ନେଇ ଯିବାକୁ ସମସ୍ତ ବ୍ୟବସ୍ଥା ମନ୍ଦିର ପରିଚାଳନା କମିଟି, ଦେବତ୍ତୋର ବିଭାଗ ପକ୍ଷରୁ କରାଯାଇଛି । ନୂତନ ଭାବେ ନିର୍ମାଣାଧୀନ ଗୁଣ୍ଡିଚା ମନ୍ଦିରରେ ଶ୍ରୀଜୀଉଙ୍କ ଦଶବତାର ଦର୍ଶନ ଅନୁଷ୍ଠିତ ହେବ ।
