କାଠଡେରା ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଠାରେ ଆୟୁଷ୍ମାନ ଆରୋଗ୍ୟ ମନ୍ଦିର ଦ୍ୱାରା ୧୧ ତମ ଆୟୁର୍ବେଦ ଦିବସ ପାଳନ 

ବରଗଡ

ଅତାବିରା ବ୍ଲକ ଅଧିନ କାଠଡେରା ସ୍ଥିତ ଶ୍ରୀଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର ଠାରେ ଆୟୁଷ୍ମାନ ଆରୋଗ୍ୟ ମନ୍ଦିର ଦ୍ୱାରା ୧୧ ତମ ଆୟୁର୍ବେଦ ଦିବସ ପାଳନ କରାଯାଇଛି |

କରାଯାଇଛି l ପଞ୍ଚମ ରୁ ଅଷ୍ଟମ ଶ୍ରେଣୀର ଛାତ୍ରଛାତ୍ରୀ ମାନଙ୍କୁ ନେଇ ଅନୁଷ୍ଠିତ ସାଧାରଣ ସଭାରେ ଅଧ୍ୟକ୍ଷ ଭୀଷ୍ମଦେବ ରଣା ସ୍ୱାଗତ ସୂଚନା ସହ ଆୟୁର୍ବେଦ ଦିବସ ପାଳନର ଉଦ୍ଦେଶ୍ୟ ଜ୍ଞାପନ କରିଥିଲେ l ଆୟୁଷ୍ମାନ ଆରୋଗ୍ୟ ମନ୍ଦିର, କାଠଡେରାର ଚିକିତ୍ସକ ଡାକ୍ତର ରୁପେଶ ଅଗ୍ରୱାଲ ଆୟୁର୍ବେଦ ଚିକିତ୍ସାର ଉପକାରିତା ଏବଂ ଦୈନନ୍ଦିନ ଜୀବନରେ ଏହା ବ୍ୟବହାର ସମ୍ପର୍କରେ ଆଲୋଚନା କରିଥିଲେ l ସାଧାରଣ ସଭାପରେ ଯୋଗାସନ ପ୍ରାଣାୟାମ ଶିକ୍ଷା ସହ ଶିକ୍ଷାକେନ୍ଦ୍ର ପରିସରରେ ଥିବା ଔଷଧୀୟ ବୃକ୍ଷ ଚି଼ହ୍ନଟ ସହ ତାହାର ଗୁଣଧର୍ମ ସମ୍ପର୍କରେ ଛାତ୍ରଛାତ୍ରୀ ମାନଙ୍କ ସହ ଆଲୋଚନା କରିଥିଲେ l ଏହି ଅବସରରେ ଏକ ସ୍ୱାସ୍ଥ୍ୟ ପରୀକ୍ଷଣ କାର୍ଯ୍ୟକ୍ରମ ମଧ୍ୟ ରଖାଯାଇଥିଲା l ଶିକ୍ଷାକେନ୍ଦ୍ରର ସମସ୍ତ ଶିକ୍ଷକ ଶିକ୍ଷୟତ୍ରୀଙ୍କ ସମେତ ଆୟୁଷ୍ମାନ ଆରୋଗ୍ୟ ମନ୍ଦିର, କାଠଡେରାର ସମସ୍ତ କାର୍ଯ୍ୟକର୍ତ୍ତା ଏବଂ କତାବଗା, ଲଚିଦା, ହିଲ୍ଲିପାଲି ଗ୍ରାମର ଆଶା ଦିଦି ଯଥାକ୍ରମେ ବିଷ୍ଣୁପ୍ରିୟା ପ୍ରଧାନ, ସନ୍ତୋଷିନୀ ସାହୁ, ପଦ୍ମିନୀ ଛୁରିଆ ପ୍ରମୁଖ ଉପସ୍ଥିତ ଥିଲେ l ଶେଷରେ ଶିକ୍ଷାକେନ୍ଦ୍ରର ଉପାଧ୍ୟକ୍ଷା ରୀନା ସାହୁ ଧନ୍ୟବାଦ ଅର୍ପଣ କରିଥିଲେ l