ଛୁରୀରେ ଆକ୍ରମଣ କରି ଯୁବକ ଗିରଫ

ଛୁରୀରେ ଆକ୍ରମଣ କରି ଯୁବକ ଗିରଫ
ବୁଗୁଡ଼ା : ତା ୨୫/୦୫/୨୩ : ବୁଗୁଡ଼ା ଥାନା ଅନ୍ତର୍ଗତ କୈଳାସ ନଗରର ଜଣେ ଯୁବକକୁ ଗାଳି ଗୁଲଜ ସହ ଛୁରୀରେ ଆକ୍ରମଣ କରିବା ଅଭିଯୋଗରେ ପୋଲିସ ଜଣକୁ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି । ଗିରଫ ଯୁବକ ଜଣକ ହେଲେ ଆଦିପୁର ଗ୍ରାମର ପରମେଶ୍ଵର ନାୟକ(୩୨) । ଏ ନେଇ ବୁଗୁଡା ଥାନାରେ କେସ୍ ନଂ ୩୪୭/୨୩ ରେ ଏକ ମାମଲା ରୁଜୁ ହୋଇଥିବା ଆଇଆଇସି ଚିତ୍ତରଞ୍ଜନ ବେହେରାଙ୍କ ଠାରୁ ପ୍ରକାଶ ପାଇଛି । ପ୍ରକାଶ ଯେ , ବୁଧବାର ରାତି ୮ଟା ସମୟରେ ବୁଗୁଡ଼ା ଥାନା ଅନ୍ତର୍ଗତ ଜଗତ ପାଟଣା ଗ୍ରାମ ମୋଚିସାହି ଛକରେ ସନ୍ତୋଷ ଓ ପରମେଶ୍ୱର ଅକସ୍ମାତ୍ ମୁହାଁମୁହିଁ ହୋଇଥିଲେ । ସେଠାରେ ସନ୍ତୋଷକୁ ପରମେଶ୍ଵର ଗାଳିଗୁଲଜ ସହ ଧମକାଇ ଥିଲେ । ଏଥିରେ ସନ୍ତୋଷ ପ୍ରତିବାଦ କରିବାରୁ ପରମେଶ୍ଵର ଉତକ୍ଷିପ୍ତ ହୋଇ ପାଖରେ ରଖିଥିବା ଏକ ଛୁରୀରେ ତା’ର ମୁଣ୍ଡକୁ ଆକ୍ରମଣ କରିଥିଲା । ଫଳରେ ସନ୍ତୋଷର ବାମ ପଟ କାନ ଖଣ୍ଡିଆ ହୋଇଯିବା ସହ ମୁହଁର ବିଭିନ୍ନ ସ୍ଥାନରେ ଆଘାତ ଲାଗିଥିଲା । ଆହତ ସନ୍ତୋଷ ବୁଗୁଡ଼ା ମେଡିକାଲରେ ପହଞ୍ଚି ଚିକିତ୍ସିତ ହେବା ସହ ଥାନାରେ ଏନେଇ ଅଭିଯୋଗ କରିଥିଲେ ।