ବିଜେପିକୁ ଟକ୍କର ଦେଇ ବିଜେଡି ପକ୍ଷରୁ ସମ୍ବାଦିକ ସମ୍ମିଳନୀ

ବୁଗୁଡ଼ା : ତା ୨୪/୦୫/୨୩ : ସ୍ଥାନୀୟ ବିଜୁ ସେବା ସଦନ ଠାରେ ବିଜେଡ଼ି ପକ୍ଷରୁ ଆହୂତ ସମ୍ବାଦିକ ସମ୍ମିଳନୀରେ ବିଜେପି ଉପରେ ବର୍ଷିଛନ୍ତି ବିଜେଡି ନେତାଗଣ । ବୁଗୁଡା ବ୍ଲକ ବିଜେଡି ସଭାପତି ମଦନ ଗୋପାଳ ଦୋରାଙ୍କ ଆବାହକତ୍ବରେ ଆୟୋଜିତ ଉକ୍ତ ସାମ୍ବାଦିକ ସମ୍ମିଳନୀରେ ବ୍ଲକ ଉପାଧ୍ୟକ୍ଷ ମାନସ ରଞ୍ଜନ ପ୍ରଧାନ , ନଗର ବିଜେଡି ସଭାପତି କେ.ତ୍ରିଲୋଚନ ଦୋରା , ଜିଲ୍ଲା ବିଜେଡି ସମ୍ପାଦକ ସୁଧାଂଶୁ ଶେଖର ପାଢ଼ୀ , ଏନ୍ଏସି ଅଧ୍ଯକ୍ଷ ଚିତ୍ରସେନ ପ୍ରଧାନ , ଜିଲ୍ଲା ପରିଷଦ ସଦସ୍ୟ ଗଙ୍ଗାପାଣି ଜେନା , ସାଂସଦ ପ୍ରତିନିଧି କବିରାଜ ଗୌଡ଼ , ଅନ୍ତରପଡା ସରପଞ୍ଚ ବସନ୍ତ ଶତପଥୀ, କଳମ୍ବ ପଞ୍ଚାୟତ ସମିତି ସଭ୍ୟ ସୁଶାନ୍ତ ସେଠୀ ପ୍ରମୁଖ ଉପସ୍ଥିତ ରହି ବିଜେପିର ମିଶ୍ରଣ ପର୍ବକୁ ହାସ୍ୟାସ୍ପଦ କାର୍ଯ୍ୟକ୍ରମ ବୋଲି ଅଭିହିତ କରି ତୀବ୍ର ସମାଲୋଚନା କରିଥିଲେ । ଯେଉଁ ରାଜନୈତିକ ବ୍ଯକ୍ତି ବିଶେଷଙ୍କୁ ମିଶ୍ରଣ ପର୍ବ ଅବସରରେ ଦଳରେ ସାମିଲ କରି ଆତ୍ମ ବଡିମା ଦେଖାଉ ଥିବା ବେଳେ ବିଜେଡି ସେମାନଙ୍କୁ ବିଭିଷଣର ଆଖ୍ଯା ଦେଇ କେଉଁ କାଳରୁ ଦଳରୁ ବହିଷ୍କୃତ କରି ସାରିଛି । ଅଞ୍ଚଳରେ ବିଜେଡିର ମଜଭୁତ ସଂଗଠନରେ ଭୟଭୀତ ହୋଇ ମାଙ୍କଡ଼ ଡିଆଁ ଖେଳ ଖେଳୁଥିବା କିଛି ଅବିଶ୍ବାସୀ ରାଜନୀତିଆଙ୍କୁ ନେଇ ବିଜେଡିକୁ ଚ୍ଯାଲେଞ୍ଜ ଦେବାର ଦିବା ସପ୍ନ ବିଜେପି ଦେଖୁଛି ବୋଲି ମତ ବ୍ଯକ୍ତ କରିଥିଲେ । ତେବେ ଆଗାମୀ ବିଧାନସଭା ନିର୍ବାଚନକୁ ଦୃଷ୍ଟିରେ ରଖି ଉଭୟ ଦଳ ପକ୍ଷରୁ ତୁ ତୁ ମେଁ ମେଁ ଆରମ୍ଭ ହୋଇ ଗଲାଣି ବୋଲି ସାଧାରଣରେ ଚର୍ଚ୍ଚା ଜୋର ଧରିଛି ।