ଗଛକୁ ପିଟିଲା କାର୍, ବାପା ଗୁରୁତର, ପୁଅ ଆହତ 

ବୁଗୁଡ଼ା : ତା ୦୯/୦୫/୨୩ : ବୁଗୁଡ଼ା ଥାନା ବାଲିପଦର ଫାଣ୍ଡି ଅନ୍ତର୍ଗତ ରାମଗଡ ଗ୍ରାମ ନିକଟରେ କାର(ନଂ-ଓଆର ୦୭ ଆର୍ ୮୦୦୮)ଦୁର୍ଘଟଣାରେ ବାପା ଓ ପୁଅ ଆହତ ହୋଇଥିବା ବେଳେ ବାପାଙ୍କ ଅବସ୍ଥା ଗୁରୁତର ରହିଛି । ପ୍ରକାଶ ଯେ, ଆଜି ଅପରାହ୍ନ ପ୍ରାୟ ୪ଟା ସମୟରେ ବ୍ରହ୍ମପୁରରୁ ନିଜ ଗାଁକୁ କାରରେ ଫେରୁଥିବା ବେଳେ ରାମଗଡ ଗାଁ ନିକଟରେ ରାସ୍ତା କଡରେ ଥିବା ଏକ କୟାଁ ଗଛକୁ ଧକ୍କା ହୋଇଥିଲା । ଦୁର୍ଘଟଣାରେ କାରଟି କ୍ଷତିଗ୍ରସ୍ତ ହୋଇଥିବା ବେଳେ ସାମନା ସିଟରେ ବସିଥିବା ବାପା ଜଣକ ଗୁରୁତର ଆହତ ଏବଂ ଚାଳକ ପୁତ୍ର ମଧ୍ଯ ଆହତ ହୋଇଥିଲେ । ଗୁରୁତରଙ୍କୁ ବାଲିପଦର ମେଡିକାଲରେ ପ୍ରାଥମିକ ଚିକିତ୍ସା ପରେ ୧୦୮ ଆମ୍ବୁଲାନ୍ସ ଯୋଗେ ବ୍ରହ୍ମପୁରକୁ ସ୍ଥାନାନ୍ତର କରାଯାଇଥିଲା । ଉଭୟେ କୁଲାଡ଼ ଅଞ୍ଚଳର ହୋଇଥିବା ଜଣାପଡିଥିବା ବେଳେ ସେମାନଙ୍କ ପରିଚୟ ମିଳିପାରି ନାହିଁ ।