ଯୋଗ ଭାରତ ଆନୁକୂଲ୍ୟରେ ମହିଳା ଯୋଗ ପ୍ରଶିକ୍ଷଣ ସମ୍ମାନ ସମାରୋହ 

ପୁରୀ ତା 29/11/2025 -ପୁରୀ କୋଣାର୍କ ବେଳାଭୂମି ମାର୍ଗସ୍ଥିତ ସାଇ ସ୍ମାର୍ଟ ସ୍କୁଲ ପରିସରରେ ଯୋଗ ଭାରତ ଆନୁକୂଲ୍ୟରେ ସାଇ ସ୍ମାର୍ଟ ସ୍କୁଲ ଦ୍ୱାରା ଆୟୋଜିତ ପଂଚାୟତ ସ୍ତରୀୟ ମହିଳା ଯୋଗ ପ୍ରଶିକ୍ଷଣ ସମ୍ମାନ ସମାରୋହ ଅନୁଷ୍ଠିତ ହୋଇଯାଇଛି l ଏଥିରେ ପୁରୀର ବିଭାଗୀୟ ବନ ଅଧିକାରୀ ଶ୍ରୀଯୁକ୍ତ ଧନଜୀ ରାଓସ ମୁଖ୍ୟ ଅତିଥି ଭାବରେ ଯୋଗଦେଇ ଶ୍ରୀ ଜଗନ୍ନାଥଙ୍କ ଫୋଟଚିତ୍ରରେ ମାଲ୍ୟାର୍ପଣ ପୂର୍ବକ ଆନୁଷ୍ଠାନିକା ଭାବେ ସମାରୋହକୁ ଉଦଘାଟନକରି କହିଲେ କି ସୁସ୍ଥ ଶରୀର ଓ ମନ ପାଇଁ ଯୋଗର ଭୂମିକା ଅତୁଳନୀୟ l ଯଶସ୍ବୀ ପ୍ରଧାନମନ୍ତୀ ଶ୍ରୀଯୁକ୍ତ ନରେନ୍ଦ୍ର ମୋଦିଙ୍କ ନିଷ୍ଠାପର ଉଦ୍ୟମ ବଳରେ ଯୋଗ ଆଜି ବିଶ୍ୱ ଜନାଦୃତ ହୋଇପାରିଛି l ସମ୍ମାନିତ ଅତିଥି ଭାବରେ ପୁରୀ ଫର୍ମାସୀ ମହାବିଦ୍ୟାଳୟର ଚେୟାରମ୍ୟାନ ଶ୍ରୀମତୀ ଅନିମା ଦାଶ ଓ ଅଧକ୍ଷ ଡ଼ଃ ଅମୀୟକାନ୍ତ ମିଶ୍ର ଯୋଗଦେଇ ଆଜିର ଆଧୁନିକ ବ୍ୟସ୍ତବହୁଳ ଜୀବନଚାର୍ଯ୍ୟରେ ଯୋଗ ଶାନ୍ତି ଓ ସୁଖ ଦେଇପାରିବବୋଲି ମତପୋଷଣ କରିଥିଲେ ଅନ୍ୟ ସମ୍ମାନିତ ଅତିଥିଭାବରେ ସାଇ ସ୍ମାର୍ଟ ସ୍କୁଲର ଅଧ୍ୟକ୍ଷ ଇଁ ଆଶିଷ କୁମାର ଦାଶ, ପୁରୀ ସଦର ସାମାଜିକ ସଦଭାବନା ର ସହ ସଂଯୋଜକ ଶ୍ରୀ ସର୍ବେଶ୍ୱର ସ୍ୱାଇଁ, ଯୋଗ ଗୁରୁ ଡ଼ଃ ଆଲୋକ କୁମାର ସ୍ୱାଇଁ,ପୁରୀ ସଂସ୍କୃତ ବିଶ୍ଵବିଦ୍ୟାଳୟର ଯୋଗ ବିଭାଗର ସହଯୋଗୀ ଅଧ୍ୟାପକ ଶ୍ରୀଯୁକ୍ତ ପ୍ରେମ ପ୍ରକାଶ ପାଣ୍ଡେ ଯୋଗଦେଇ ଯୋଗର ପରିଭାଷା, ପ୍ରଣାଳୀ ଓ ଏହାର ବିସ୍ତାରି ପ୍ରଭାବ ସମ୍ପର୍କରେ ଉପସ୍ଥିତ ଯୋଗ ଶିକ୍ଷାର୍ଥୀ ମାନଙ୍କୁ ବୁଝାଇଥିଲେ l ଯୋଗ ଭାରତର ସଂଯୋଜିକା ତଥା ଯୋଗ ପ୍ରଶିକ୍ଷିକା ଶ୍ରୀମତୀ ସୁଶ୍ରୀ ପ୍ରିୟଦର୍ଶିନୀ ପାଣି ତାଙ୍କର ପ୍ରିୟ ଶିକ୍ଷାର୍ଥୀ ମାନଙ୍କୁ ନିରନ୍ତର ଯୋଗାଭ୍ୟାସ ଜାରିରଖିବାପାଇଁ ପରାମର୍ଶ ଦେଇଥିଲେ l ଯୋଗ ଭାରତର ଏହିପରି ଅନ୍ୟ ପଂଚାୟତର ମହିଳାମାଙ୍କୁ ଯୋଗ ପ୍ରଶିକ୍ଷଣ ପ୍ରଦାନ କରାଯିବ ବୋଲି ପ୍ରକାଶ କରିଥିଲେ l ଏହି କାର୍ଯ୍ୟକ୍ରମରେ ଶିକ୍ଷାର୍ଥୀ ମାନଙ୍କ ମଧ୍ୟରେ ବିଭିର୍ଣ୍ଣ ଖେଳ ପ୍ରତିଯୋଗିତା କରାଯାଇଥିଲା l ସୁସ୍ଥ ନାରୀ ସଶକ୍ତ ପରିବାର ଗଠନକରି ଏକ ସୁସ୍ଥ ସମାଜ ଗଢିବାପାଇଁ ସମସ୍ତ ଶିକ୍ଷାର୍ଥୀମାନେ ସଂକଳ୍ପ ନେଇଥିଲେ l ମା ପାଇଁ ଗଛଟିଏ ନାରାରେ ସମସ୍ତ ଅତିଥି ମାନେ ଯୋଗ ଶିକ୍ଷାର୍ଥୀ ମାନଙ୍କୁ ଗୋଟିଏ ଗୋଟିଏ ଗଛ ସହିତ ସମ୍ମାନ ପ୍ରମାଣପତ୍ର ପ୍ରଦାନ କରିଥିଲେ l ଶେଷରେ ବିଦ୍ୟାଳୟର ଛାତ୍ର ଛାତ୍ରୀମାନେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ l ବିଦ୍ୟାଳୟର ଶିକ୍ଷୟତ୍ରୀ ଶ୍ରୀପଦା ମିଶ୍ର, ଲୋପାମୁଦ୍ରା ମହାପାତ୍ର ସମାରୋହ ସଂଚାଳନା କରିଥିବାବେଳେ ଶିକ୍ଷୟତ୍ରୀ ନମ୍ରତା ରଥ, ସ୍ୱପ୍ନା ଦାଶ, ଅନିନ୍ଦିତା ଦାଶ, ସୁଲିପ୍ତା ମହାପାତ୍ର, ମଧୁସ୍ମିତା ଓଝା, ନୀଳମ୍ବରୀ ପଣ୍ଡା ଓ ସୁଲେଖା ତ୍ରିପାଠୀ ପ୍ରମୁଖ ପରିଚାଳନା କରିଥିଲେ l

ପୁରୀରୁ ରମେଶ ସାହୁଙ୍କ ରିପୋର୍ଟ