ନାମ ସଂକୀର୍ତ୍ତିନ ଗୁରୁ ରାମକୃଷ୍ଣ ପାତ୍ରଙ୍କ ପରଲୋକ 

ବୁଗୁଡ଼ା : ତା ୦୬/୦୫/୨୩ : ବୁଗୁଡ଼ା ଅଞ୍ଚଳର ଜଣାଶୁଣା ନାମ ସଂକୀର୍ତ୍ତିନ ଗୁରୁ ରାମକୃଷ୍ଣ ପାତ୍ର(୩୩)ଙ୍କ ଅକାଳ ବିୟୋଗରେ ଶୋକର ଛାୟା ଖେଳିଯାଇଛି । ସେ ଶାରୀରିକ ଅସୁସ୍ଥତା ଯୋଗୁଁ ବ୍ରହ୍ମପୁର ବଡ ମେଡିକାଲରେ ଚିକିତ୍ସାଧିନ ଅବସ୍ଥାରେ ମୃତ୍ୟୁ ବରଣ କରିବା ପରେ ତାଙ୍କ ମୃତ ଶରୀରକୁ ସ୍ଥାନୀୟ ଯାଦବ ସାହି ସ୍ଥିତ ସ୍ବବାସଭବନକୁ ଅଣାଯାଇଥିଲା । ସେଠାରେ ସାହି ବାସିନ୍ଦା ଏବଂ ଆତ୍ମୀୟମାନେ ଶେଷ ଦର୍ଶନ କରିବା ସହ ତାଙ୍କର ଶୋକସନ୍ତପ୍ତ ପରିବାରକୁ ସାନ୍ତ୍ବନା ପ୍ରଦାନ କରିଥିଲେ । ଏଠାକାର ବଡଶଙ୍ଖ ସ୍ଥିତ ଶ୍ମଶାନ ଘାଟରେ ତାଙ୍କର ଅନ୍ତିମ ସଂସ୍କାର କାର୍ଯ୍ୟ ସମ୍ପନ୍ନ ହୋଇଥିଲା । ସେ ଶିକ୍ଷା ପ୍ରଦାନ କରି ଯୁବପିଢ଼ିର ଅନେକ ନାମ ସଂକୀର୍ତ୍ତିନ ଦଳ ସୃଷ୍ଟି କରିଥିବା ବେଳେ ନିଜର ଦକ୍ଷତା ପାଇଁ ବିଭିନ୍ନ ଅନୁଷ୍ଠାନ ପକ୍ଷରୁ ପୁରସ୍କୃତ ହୋଇଥିଲେ । ତାଙ୍କର ଦେହାନ୍ତରେ ବିଭିନ୍ନ ନାମ ସଂକୀର୍ତ୍ତିନ ଦଳ ପକ୍ଷରୁ ଗଭୀର ଶୋକ ବ୍ଯକ୍ତ କରାଯାଇଛି ।