ସାରଳା ଦାସ ସାଧନା ପୀଠ ଗ୍ରାମକୁ ଐତିହ୍ୟ ଗ୍ରାମ ରୂପେ ତୁରନ୍ତ ଘୋଷଣା କରାଯାଉ
ବରପୁତ୍ର ଭାବେ ଆଦିକବି ସାରଳା ଦାସଙ୍କୁ ମାନ୍ୟତା ପ୍ରଦାନ ଏବଂ ଆଦିକବି ସାରଳା ଦାସଙ୍କ ଗାଁ ମାଟି ପ୍ରାଚୀନ ଝଂକଡର ତେନ୍ତୁଳିପଦା ଗ୍ରାମକୁ ଐତିହ୍ୟ ଗ୍ରାମ ରୂପେ ତୁରନ୍ତ ଘୋଷଣା ଦାବିରେ ଏକ ଜନ ଜାଗରଣ ସୃଷ୍ଟି ହୋଇଥିଲା । ଆଦିକବି ସାରଳା ଦାସ ସାଧନା ପୀଠ ଉନ୍ନୟନ ପରିଷଦ ଆନୁକୁଲ୍ୟରେ ସାରଳା ମହାଭାରତ ରେ ବର୍ଣ୍ଣିତ ବୃଦ୍ଧାମାତଙ୍ଗୀ କୂଳରେ ଅନୁଷ୍ଠାନର ମୁଖ୍ୟ ଉପଦେଷ୍ଟା ସୁବ୍ରତ କୁମାର ଦାଶ , ସଂପାଦକ ଚୌଧୁରୀ ରାଧାମୋହନ ପରିଜାଙ୍କ ତତ୍ତ୍ଵାବଧାନରେ ଏକ ଜନଜାଗରଣ ପଦଯାତ୍ରା ବାହାରି ସାରଳା ଦାସଙ୍କ ଗୃହ ଦେବୀ ବିଲ ଶାରଳା ଠାକୁରାଣୀଙ୍କ ପହଞ୍ଚି ଥିଲା ।ଏହି ଜନଜାଗରଣ ଯାତ୍ରାରେ ସମାଜସେବୀ ଜୟନ୍ତ ପରିଜା , ସଂଗଠନ ସଂପାଦକ ଦେବବ୍ରତ ବାରିକ , ପୂର୍ବତନ ସରପଞ୍ଚ ଲକ୍ଷ୍ମୀ ପ୍ରିୟା ବେହେରା , ଅକ୍ଷୟ ମହାନ୍ତି , ରବିନ୍ଦ୍ର ସିଂହ , ଆଶିଷ ପରିଜା , ଶ୍ରଦ୍ଧାଞ୍ଜଳି ଦାସ, ସୁରେନ୍ଦ୍ର ସାହୁ, କବିତା ସେଠୀ, ରଘୁନାଥ ପଣ୍ଡା, ଜଗତ୍ସିଂହପୁର ଜିଲାର ଉପାନ୍ତ ଖବର ପ୍ରତିନିଧି ଶରତ କୁମାର ଦାଶ ରମେଶ ବେହେରା, ପ୍ରଭାତ ପରିଜା,ପ୍ରତିମା ଦାସ, ମମତା ବାରିକ ସମେତ ବହୁ ମହିଳା ଓ ବୁଦ୍ଧିଜୀବୀ ମାନେ ଏଥିରେ ଯୋଗଦେଇଥିଲେ । ଅନୁଷ୍ଠାନ ତରଫରୁ ପ୍ରତିନିଧି ସମାଜସେବୀ ସୁବ୍ରତ ଦାସ, ଦେବବ୍ରତ ବାରିକ, ଅକ୍ଷୟ ମହାନ୍ତି ପ୍ରମୁଖ ତିର୍ତୋଲ ବିଧାୟକ ଡଃ ରମାକାନ୍ତ ଭୋଇଙ୍କୁ ଭେଟି ତେନ୍ତୁଳିପଦା କୁ ଐତିହ୍ୟ ଗ୍ରାମ ରୂପେ ଘୋଷଣା କରାଯିବା ସଂପର୍କରେ ଦାବି ପତ୍ର ପ୍ରଦାନ କରିଥିଲେ । ଯଦି ଲୋକପ୍ରିୟ ସରକାର ସହାନୁଭୂତିଶୀଳ ହୋଇ ସାରଳା ଦାସଙ୍କ ଗ୍ରାମକୁ ଅବହେଳିତ ରଖନ୍ତି ତେବେ ଆଗାମୀ ଦିନରେ ଶାରଳା ରୋଡ଼ ଠାରୁ ତେନ୍ତୁଳିପଦା ଗ୍ରାମ ପର୍ଯ୍ୟନ୍ତ କୌଣସି ରାଜନେତା, ଅତିଥି, ଦର୍ଶନାର୍ଥୀ ମାନଙ୍କୁ ପୁରାଇ ଦେବୁନାହିଁ ବୋଲି ଚେତାବନୀ ଦିଆଯାଇଥିଲା ।
