ବୋଲଗଡ଼ ରେ ଅଘୋଷିତ ବିଦ୍ୟୁତ୍ ବିଭ୍ରାଟ,ତୀବ୍ର ଜନ ଅସନ୍ତୋଷ ।
ବୋଲଗଡ଼,୦୪/୦୬(ଉପାନ୍ତ ଖବର):ଗ୍ରୀଷ୍ମ ଋତୁରେ ଅସହ୍ୟ ଗରମ ସହ୍ୟ ହେଉ ନ ଥିବା ବେଳେ ବୋଲଗଡ଼ ବିଦ୍ୟୁତ୍ ବିଭାଗର ବାରମ୍ବାର ବିଦ୍ୟୁତ୍ କାଟ ଜନସାଧାରଣରେ ଅହେତୁକ ଅସନ୍ତୋଷ ଦେଖାଦେଇଛି । ପୁର୍ବ ଟିପିଏସଓଡିଏଲ୍ ର ମନମୁଖୀ କାର୍ଯ୍ୟ କଳାପ ଓ ବିଦ୍ୟୁତ୍ କାଟ ଯୋଗୁଁ ଲୋକେ ଅସନ୍ତୋଷ ଜାହିର କରିଥିବା ବେଳେ ଗରମ ଦିନରେ ମଧ୍ୟ ଏହି ଅସୁବିଧା ବୋଝ୍ ଉପରେ ଲଳିତା ବିଡା ସଦୃଶ ହୋଇଛି । ଗୋଟିଏ କି ଦୁଇ ଥର ନୁହେଁ ଦିନ କୁ ୮ ଥର ରୁ ଅଧିକ କିଛି ସମୟ ବ୍ୟବଧାନରେ ବିଦ୍ୟୁତ୍ କାଟ ହେଉଛି। ଫଳରେ ଘର ମାନଙ୍କରେ ଥିବା ଛୋଟ ଛୁଆ,ଅସୁସ୍ଥ ବ୍ୟକ୍ତି ଓ ବୃଦ୍ଧ ବୃଦ୍ଧା ନାହିଁ ନ ଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଏ ପରି କି ଜଳ ଯୋଗାଣ ସମୟରେ ମଧ୍ୟ ବିଦ୍ୟୁତ୍ କାଟ ଲୋକଙ୍କ ପିଛା ଛାଡୁନି। ଜଳ ଯୋଗାଣ ସମୟରେ ବିଦ୍ୟୁତ୍ କାଟ ହେଲେ ଲୋକେ ପିଇବା ପାଇଁ ପାଣି ସଂଗ୍ରହ କରି ପାରୁନାହାଁନ୍ତି । ବିଦ୍ୟୁତ୍ କଷ୍ଟ କୁ ଭାରି ଜଳ କଷ୍ଟ ହୋଇପଡୁଥିବା ଆଲୋଚନା ହେଉଛି । ଏ ନେଇ ବିଭାଗୀୟ ଅଧିକାରୀଙ୍କ ମଧ୍ୟରେ ସଲାସୁତୁରା ହୋଇ ଜଳ ଯୋଗାଣ ସମୟରେ ବିଦ୍ୟୁତ୍ କାଟ ଜାଣି ଶୁଣି କରାଯାଉଛି ବୋଲି ମଧ୍ୟ ଚର୍ଚ୍ଚା ଜୋର୍ ଧରୁଛି । ଆହୁରି ମଧ୍ୟ ଅଞ୍ଚଳର କୌଣସି ଜନପ୍ରତିନିଧି ଏ ନେଇ ତିଳେ ହେଲେ ଚିନ୍ତା ନ କରିବାକୁ ନେଇ ଲୋକେ ଚକିତ ହେଉଛନ୍ତି ।ବିଭାଗୀୟ ଅଧିକାରୀଙ୍କ ସହିତ ଯୋଗାଯୋଗ ହୋଇ ପାରି ନ ଥିଲା ବେଳେ ଆଗାମୀ ଦିନରେ ବୋଲଗଡ଼ ଜନ ସାଧାରଣଙ୍କୁ ଜାଣିଶୁଣି ହଇରାଣ କଲେ ଆନ୍ଦୋଳନ କରିବା ନେଇ ମଧ୍ୟ ଆଲୋଚନା ହେଉଛି ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।
