କଦମ୍ବ ମଠରେ ଶ୍ରୀରାମ ଚରିତ ମାନସ ପାରାୟଣ ଓ ପ୍ରବଚନ କାର୍ଯ୍ଯକ୍ରମ
ବୁଗୁଡା : ତା ୩୦/୦୩/୨୩ : ପବିତ୍ର ଶ୍ରୀରାମ ନବମୀ ଉତ୍ସବ ଅବସରରେ ବୁଗୁଡା ନିକଟସ୍ଥ ବି.ବ୍ରହ୍ମପୁର ଗ୍ରାମର କଦମ୍ବ ମଠରେ ମହନ୍ତ ରାଘବାନନ୍ଦ ଦାସଙ୍କ ତତ୍ତ୍ବାବଧାନରେ ୩୭ତମ ଶ୍ରୀରାମ ଚରିତ ମାନସ ନବାହ୍ନ ପାରାୟଣ ଓ ପ୍ରବଚନ ମହାଯଜ୍ଞର ଶୁଭାରମ୍ଭ ହୋଇଯାଇଛି । ଶ୍ରୀରାମ ସେବା ସମିତି ପକ୍ଷରୁ ବି.ବ୍ରହ୍ମପୁର ଗ୍ରାମବାସୀଙ୍କ ସହଯୋଗରେ ଚଳିତ ମାର୍ଚ୍ଚ ୨୮ ରୁ ଆସନ୍ତା ଏପ୍ରିଲ୍ ୬ ପର୍ଯ୍ୟନ୍ତ ଆୟୋଜିତ ଉକ୍ତ ଉତ୍ସବ ଅବସରରେ ଗତ ମଙ୍ଗଳବାର ଦିନ ଶୁଭାଧିବାସ ଏବଂ ବୁଧବାର ଠାରୁ ପ୍ରତ୍ଯହ ସକାଳୁ ଅପରାହ୍ନ ପର୍ଯ୍ୟନ୍ତ ଶ୍ରୀରାମ ଚରିତ ମାନସ ପାରାୟଣ ଓ ହୋମ , ସନ୍ଧ୍ୟାରେ ଆଳତି ଦର୍ଶନ ପରେ ଭଜନ ସମାରୋହ ସାଙ୍ଗକୁ ରାତିରେ ପ୍ରବଚନ କାର୍ଯ୍ଯକ୍ରମ ରହିଛି । ଉକ୍ତ ପବିତ୍ର କାର୍ଯ୍ୟକ୍ରମରେ ପ୍ରବଚକ ଭାବେ ପ୍ରଶାନ୍ତ ମିଶ୍ର , ଦଧିବାମନ ଦାଶ , ସତ୍ଯ ରଞ୍ଜନ ରଥ ଓ ଉମାକାନ୍ତ ମହାପାତ୍ର ପ୍ରମୁଖ ପଣ୍ଡିତଗଣ ଯୋଗ ଦେଉଥିବା ଜଣାଯାଇଛି ।
