ସ୍ୱର୍ଗତ ସଦାଶିବ ରାୟଗୁରୁଙ୍କ ପ୍ରଥମ ବାର୍ଷିକ ଶ୍ରାଦ୍ଧ ଉତ୍ସବ ଅନୁଷ୍ଠିତ।
ବୋଲଗଡ଼,(ଉପାନ୍ତ ଖବର): ୨୬ନମ୍ବର ଜୋନର ଜିଲ୍ଲା ପରିଷଦ ସୁବାଷ ଚନ୍ଦ୍ର ରାୟଗୁରୁ ଙ୍କର ପିତା ସ୍ୱର୍ଗତ ସଦାଶିବ ରାୟଗୁରୁ ଙ୍କର ପ୍ରଥମ ବାର୍ଷିକ ଶ୍ରାଦ୍ଧ ଉତ୍ସବ ଓ ସ୍ମୃତି ଚାରଣ ସଭା ଅନୁଷ୍ଠିତ ହୋଇ ଯାଇଛି। ସ୍ୱର୍ଗତ ସଦାଶିବ ରାୟଗୁରୁ ସାଗରଗୁଆଁ ଗ୍ରାମପଞ୍ଚାୟତରେ ଲଗାତର ଭାବେ ୩ଥର ସରପଞ୍ଚ, ୩ଥର ସେବା ସମବାୟ ସମିତିର ସଭାପତି, ବରିଷ୍ଠ ନ୍ୟାୟବିତ୍, ନିଖିଳ ଉତ୍କଳ ନ୍ୟାୟବିତ ସଂଘର ସଭାପତି ଓ ୧୫ ବର୍ଷ ଧରି ସାଗରଗୁଆଁ ଗ୍ରାମ୍ୟ କମିଟିର ସଭାପତି ଥିଲେ। ତାଙ୍କର ବାସଭବନ ଠାରେ ପ୍ରଥମ ଶ୍ରାଦ୍ଧ ବାର୍ଷିକୋତ୍ସବ ଉପଲକ୍ଷେ ସ୍ମୃତି ଚାରଣ ସଭା ଅନୁଷ୍ଠିତ ହୋଇ ଯାଇଛି। ଏହି ସ୍ମୃତିସଭାରେ ଅଞ୍ଚଳର ବହୁ ଛାମୁଆ ବ୍ୟକ୍ତି ମାନେ ଅତିଥି ଭାବରେ ଉପସ୍ଥିତ ରହିବା ସହିତ ସ୍ୱର୍ଗତ ସଦାଶିବ ରାୟଗୁରୁ ଙ୍କର ଦୁଇ ପୁତ୍ର, ଦୁଇବୋହୁ, ଦୁଇ ଝିଅ ଜ୍ବାଇଁ ନାତି ନାତୁଣୀ ଉପସ୍ଥିତ ରହି ପ୍ରଥମେ ଫଟୋଚିତ୍ରରେ ପୁଷ୍ପ ଚନ୍ଦନ, ଧୂପ ପ୍ରଦାନ କରି ଦୁଇ ମିନିଟ୍ ନିରବ ପ୍ରାର୍ଥନା କରିବା ସହିତ ତାଙ୍କର ସ୍ମୃତିଚାରଣ କରିଥିଲେ।
ରିପୋର୍ଟ-ସୁଶାନ୍ତ କୁମାର ପ୍ରଧାନ।
