ବାଇକ୍ ଧକ୍କାରେ କୃଷ୍ଣସାର ମୃଗ ଆହତ
ବୁଗୁଡ଼ା : ତା ୧୯/୦୩/୨୩ : ବୁଗୁଡ଼ା ମୁଖ୍ୟ ସଡ଼କ ବାଙ୍କେଶ୍ଵରୀ ମନ୍ଦିର ନିକଟରେ ବାଇକ୍ ଧକ୍କାରେ ଏକ ଗର୍ଭବତୀ କୃଷ୍ଣସାର ମୃଗ ଆହତ ହୋଇଥିବା ଜଣାଯାଇଛି । ଆଜି ଅପରାହ୍ନରେ ମୃଗଟି ରାସ୍ତା ପାର ହେଲାବେଳକୁ ଦ୍ରୁତ ଗତିରେ ଆସୁଥିବା ଏକ ବାଇକ୍ ସହ ଧକ୍କା ହୋଇ ରାସ୍ତା କଡ ବିଲରେ ଫୋପାଡ଼ି ହୋଇ ପଡ଼ିଥିଲା । ଦୁର୍ଘଟଣାରେ ମାଇ କୃଷ୍ଣସାର ମୃଗଟିର ପଛପଟ ଡାହାଣ ଗୋଡ଼ଟି ଭାଙ୍ଗି ଯାଇଥିବାରୁ ସେ ଯନ୍ତ୍ରଣାରେ ଛଟପଟ ହେଉଥିଲା । ଏ ସମୟରେ ସେହି ରାସ୍ତାରେ ଯାଉଥିବା କିଛି ଯୁବକ ସେହି ଆହତ ମୃଗଟିକୁ ଦେଖିବା ପରେ ତାକୁ କୁକୁର ପଲ କବଳରୁ ସୁରକ୍ଷା ଦେଇଥିଲେ । ଏ ନେଇ ବନ ବିଭାଗ ପାଖରେ ଖବର ପହଞ୍ଚିବା ପରେ ବନ କର୍ମଚାରୀମାନେ ସେଠାରେ ପହଞ୍ଚି ଆହତ ମୃଗଟିକୁ ଉଦ୍ଧାର କରି ବୁଗୁଡ଼ା ପ୍ରାଣୀଧନ ଚିକିତ୍ସାଳୟକୁ ଆଣିଥିଲେ । ପ୍ରାଥମିକ ଚିକିତ୍ସା ପରେ ତାକୁ ଚାରି ମଇଲି ସ୍ଥିତ କୃଷ୍ଣସାର ନିରାପତ୍ତା କେନ୍ଦ୍ରରେ ଛଡାଯାଇଥିଲା ।
