ଜଗତସିଂହପୁର ଜିଲ୍ଲାର ନୂତନ ଜିଲ୍ଲାପାଳ ଜେ.ସୋନାଲ ଙ୍କ ମା ଶାରଳା ମନ୍ଦିର ଦର୍ଶନ
ଜଗତସିଂହପୁର ଜିଲ୍ଲାର ଜିଲ୍ଲାପାଳ ଅନୁପମ ଶାହା,ମୂଖ୍ୟମନ୍ତ୍ରୀ ଙ୍କ ଅତିରିକ୍ତ ସଚୀବ ଭାବରେ ଯୋଗଦେବା ପରେ, ଜିଲ୍ଲାର ଉନ୍ନୟନ ମୂଳକ କାର୍ଯ୍ୟକ୍ରମ ଠପ୍ ହୋଇଯାଇଥିଲା । ଏଥି ନିମନ୍ତେ ବିଭିନ୍ନ ଗଣମାଧ୍ୟମରେ ଖବର ପ୍ରକାଶିତ ହେବାପରେ, ବୌଦ୍ଧ ର ଜିଲ୍ଲାପାଳ ଜେ. ସୋନାଲ ଙ୍କୁ ଜଗତସିଂହପୁର ଜିଲ୍ଲାପାଳ ଭାବେ ନିଯୁକ୍ତ କରାଯାଇଥିଲା । ଗତ ଶୁକ୍ରବାର ଦିନ ସେ ଜଗତସିଂହପୁର ଜିଲ୍ଲାପାଳ ଭାବେ କାର୍ଯ୍ୟଭାର ଗ୍ରହଣ କରିବା ପରେ, ପାରମ୍ପରିକ ରିତିରେ, ଜିଲ୍ଲାର ଅଧିଷ୍ଠାତ୍ରୀ ଦେବୀ ମା ଶାରଳା ଙ୍କ ଦର୍ଶନ ନିମନ୍ତେ, ସନ୍ଧ୍ୟା ସମୟରେ ସାରଳାଙ୍କ ପୀଠରେ ପହଞ୍ଚିବା ପରେ ତାଙ୍କୁ ସାରଳା ମନ୍ଦିର ପ୍ରଶାସନ ଓ ମାଆଙ୍କ ସେବାୟତ ମାନେ ସ୍ୱାଗତ କରି , ମନ୍ଦିର ବେଢ଼ା ଭିତରକୁ ପାଛୋଟି ନେଇଥିଲେ। ସେଠାରେ ସେ ମାଆଙ୍କ ଦର୍ଶନ ଓ ପୂଜାର୍ଚ୍ଚନା କରିବା ପରେ ବେଢ଼ା ପରିକ୍ରମା କରିବା ସମୟରେ ସେବାୟତ ମାନେ ତାଙ୍କୁ ମାଆଙ୍କ ଉତ୍ତରୀୟ, ପ୍ରସାଦ ଓ ଆଜ୍ଞାମାଳ ଅର୍ପଣ କରି ସମ୍ମାନିତ ଓ ସମ୍ବର୍ଦ୍ଧିତ କରିଥିଲେ । ଜିଲ୍ଲାପାଳ ସାରଳା ମନ୍ଦିର ପରିଚାଳନା ସମିତି ର ସଭାପତି ହୋଇଥିବାରୁ, ସ୍ୱଳ୍ପ ସମୟ ପାଇଁ, ମନ୍ଦିର କାର୍ଯ୍ୟାଳୟ ମଧ୍ୟ କରିଥିଲେ। ତାଙ୍କ ସହିତ ଉପଜିଲ୍ଲାପାଳ ପ୍ରଦୀପ କୁମାର ସାହୁ, ତିର୍ତ୍ତୋଲ ତହସିଲଦାର ସତ୍ୟଜିତ ମହାପାତ୍ର , କନକପୁର ପୋଲିସ ଫାଣ୍ଡି ଅଧିକାରୀ, ସାରଳା ମନ୍ଦିର ଫାଣ୍ଡି ଅଧିକାରୀ, ମନ୍ଦିରର ପ୍ରସାଶନିକ ଅଧିକାରୀ ବରଦା ପ୍ରସାଦ ମହାନ୍ତି, ବରିଷ୍ଠ ସେବାୟତ କ୍ଷୀରୋଦ କୁମାର ରାଉଳ , ଲକ୍ଷ୍ମୀଧର ମହାପାତ୍ର , ତ୍ରିଲୋଚନ ରାଉଳ ପ୍ରମୁଖ ଉପସ୍ଥିତ ରହିଥିବାର ଦେଖିବାକୁ ମିଳିଥିଲା । ତେବେ ମାଆଙ୍କ ପୀଠରେ ନୂତନ ଜିଲ୍ଲାପାଳ ପହଞ୍ଚିବା ମାତ୍ରେ, ବର୍ଷା ଆରମ୍ଭ ହୋଇଯାଇଥିବାରୁ ଜିଲ୍ଲାପାଳ ଙ୍କ ପାଇଁ ଓ ଜିଲ୍ଲା ପାଇଁ ଏହା ଏକ ଶୁଭ ସୂଚନା ବୋଲି ସାଧାରଣରେ ଚର୍ଚ୍ଚା ହେଉଛି ।
:-ତିର୍ତୋଲ ରୁ ରଞ୍ଜନ କୁମାର ମଲ୍ଲିକ ଙ୍କ ରିପୋର୍ଟ, ନିୟୁଜ ଉପାନ୍ତ ଖବର….
