ବର୍ଷାରେ ଭିଜି ଧାରଣାରେ ବସିଲେ ପୁରୀ ସହରର ଉଠାଦୋକାନୀ ମାନେ l 

ପୁରୀ ନୀଳାଚଳ କ୍ଷୁଦ୍ର ବ୍ୟବସାୟୀ ମହାସଂଘ ମାଧ୍ୟମରେ ରାଜ୍ୟ ସଭାପତି ମହେଶ୍ୱର ବଳ, ସମ୍ପାଦିକା ସୋୟଂପ୍ରଭା ସାହୁ, ଜିଲ୍ଲା ସଭାପତି ଓ ସମ୍ପାଦକଙ୍କ ନେତୃତ୍ୱରେ ପୁରୀ ସହରର ଶହ ଶହ ଉଠାଦୋକାନୀ ବର୍ଷାରେ ଓଦା ହୋଇ ଶ୍ରୀଜଗନ୍ନାଥ ବଲ୍ଲଭ ଠାରୁ ଡାକ୍ତରଖାନା ଛକ ହୋଇ ଜିଲ୍ଲାପାଳଙ୍କ କାର୍ଯ୍ୟାଳୟକୁ ଯାଇଥିଲେ l ପ୍ରବଳ ବର୍ଷାରେ ଉଠାଦୋକାନୀମାନେ ଧାରଣାରେ ବସିଥିଲେ l ଜିଲ୍ଲାପାଳଙ୍କ ଅନୁପସ୍ଥିତ ରେ ଅତିରିକ୍ତ ଜିଲ୍ଲାପାଳ କୈଳାଶ ଚନ୍ଦ୍ର ନାୟକଙ୍କୁ ସାତଦଫା ଦାବି ମୁଖ୍ୟମନ୍ତ୍ରୀଙ୍କ ଉଦେଶ୍ୟରେ ପ୍ରଦାନ କରାଯାଇଥିଲା l ଯଦି ଏହି ଦାବିଗୁଡିକ ସମାଧାନ ନକରି ଉଠାଦୋକାନୀ ମାନଙ୍କୁ ଥଇଥାନ କରାନଯାଏ ଆସନ୍ତା ପନ୍ଦର ତାରିଖରେ ବଡଦାଣ୍ଡରେ ଆନ୍ଦୋଳନ ରେ ବସିବେ ବୋଲି କହିଛନ୍ତି ରାଜ୍ୟ ସଭାପତି ମହେଶ୍ୱର ବଳ l

ପୁରୀରୁ ରମେଶ ସାହୁଙ୍କ ରିପୋର୍ଟ